علياء المهدي السيرة الذاتية – معلومات عن الناشطة المصرية علياء ماجدة المهدي – من هي علياء المهدي الناشطة المصرية المتعرية
الناشطة المصرية علياء المهدي
علياء المهدي السيرة الذاتية – معلومات عن الناشطة المصرية علياء ماجدة المهدي – من هي علياء المهدي الناشطة المصرية المتعرية
من هى علياء المهدى , السيرة الذاتية علياء المهدى , صور علياء المهدى , ويكيبيديا علياء المهدى من هى علياء المهدى , السيرة الذاتية علياء المهدى , صور علياء المهدى , ويكيبيديا علياء المهدى من هى علياء المهدى , السيرة الذاتية علياء المهدى , صور علياء المهدى , ويكيبيديا علياء المهدى من هى علياء المهدى , السيرة الذاتية علياء المهدى , صور علياء المهدى , ويكيبيديا علياء المهدى
علياء ماجده المهدى ( اتولدت فى 1991 ) هى شابه مصريه عندها عشرين سنه من نشطا الانترنت قررت انها تحتج بطريقه سلميه على التحقير و المعامله الوحشه اللى البنات و الستات بيتعرضو ليها فى المجتمع المصرى و تعرضهم للتحرش و الإغتصاب بحط فى 23 اكتوبر 2024 صورتها عريانه على الفيسبوك و التويتر و على مدونتها اللى عنوانها " مذكرات ثائرة ". كتبت علياء على الفيسبوك ان حركتها عباره عن " صرخه ضد مجتمع العنف ، و العنصريه ، و التمييز الجنسى ، و التحرش الجنسى ، و النفاق ". علياء مهدى صاحبة كريم عامر اللى كان اتقبض عليه قبل كده فى سنة 2024 و اتسجن 4 سنين بسبب تحديه للسلطات فى مصر و انتقاده للإسلام. علياء فى الأصل كانت طالبه فى كلية الاعلام فى الجامعه الأمريكيه فى القاهره ، و بتعرف نفسها بإنها مابتؤمنش بدين.
بتقول علياء انها حطت صورتها على الفيسبوك لكن اتشالت فعرض عليها صاحب ليها انه يحطها على التويتر فوافقت اكمنها مابتخجلش من حقيقة انها ست فى مجتمع مفيش للستات فيه قيمه غير انهم مجرد ادوات جنسيه للتحرش اليومى بيهم عن طريق رجاله فى الواقع مابيعرفوش حاجه عن الجنس أو عن أهمية المرأه ، و وضحت ان الصوره هى تعبير عن كينونتها و انها بتعتبر الجسم البشرى أحسن وسيله للتعبير عن رأيها ، و انها صورت نفسها بنفسها بكاميرتها الشخصيه.
شرحت علياء لمحطة سى.ان.ان C.N.N الأمريكيه انها بتحب تظهر كشخصيه مختلفه و انها بتحب الحياه و الفن و التصوير و التعبير عن أفكارها عن طريق الكتابه و ان ده سبب دخولها كلية الاعلام و بتتمنى انها فى المستقبل تشتغل فى عالم التلفزيون عشان تقدر تعرض الحقايق اللى بتخفيها الأكاذيب اللى بنعانى منها يوماتى فى العالم. و وضحت انها مابتعتقدش ان الناس لازم ماتخلفش عيال غير عن طريق الجواز بس ، حيث ان كل الموضوع متعلق بالحب. و عن رد فعل ابوها و امها على نشر صورتها بالمنظر ده وضحت انهم بيحاولو يساعدوها لكن بيعتقدو ان صاحبها كريم عامر بيستخدمها و انها سابت الدراسه بعد مالاحظت انهم بيحاولو يتحكمو فى حياتها بالتهديد بإنهم مش هيدفعو مصاريف الكليه.
عن دورها فى ثورة 25 يناير 2024 شرحت علياء انها عمرها ماكانت فى السياسه و انها انضمت للإحتجاجات لاول مره فى 27 مايو اكمنها حست انها المفروض تشارك و انها ممكن يكون ليها دور فى تغيير مستقبل مصر. بخصوص اشاعة انها كانت عضوه فى حركة 6 ابريل وضحت علياء انها ماكانتش عضوه فى الحركة ، لكن رغم كده اللى صدمها كان تصريح حركة 6 ابريل بإنها مش عضوه فى الحركه و انهم مابيقبلوش فيها " كفار ". و اتسائلت علياء فين بقى الديموقراطيه و الليبراليه اللى بينادو بيها ؟
مراسل ال سى.ان.ان سأل علياء عن رأيها فى موضوع " كشف البكاره " اللى عمله العسكريين على اعداد كبيره من البنات فى ميدان التحرير ، و ردت علياء بإنها بتعتبر اللى حصل عباره عن اغتصاب و ان الرجاله العسكريين اللى عملو الكشوفات دى لازم يتعاقبو على سماحهم بعمل حاجه زى دى من غير موافقة البنات اللى صابهم خجل و معظمهم اجبرو على السكوت.
قالت علياء ان غالبية المصريين سريين بخصوص الجنس اكمنهم اتربو على ان الجنس حاجه وحشه و قذره و فى المدارس مابيتشارش لموضوعه. الجنس بالنسبه للأغلبيه معناه ببساطه راجل بيستخدم ست من غير مايكون فيه اتصال عاطفى مابينهم و بين بعض. لكن بالنسبه لها الجنس هو تعبير عن الاحترام ، و عاطفة حب بتوصل للاستمتاع بالجنس عن طريق الطرفين.
عن مكانة الست فى مصر الجديده بعد الثوره و اذا كان ممكن انها تسيب مصر لو فشلت الثوره ، وضحت علياء انها مش متفائله خالص الا بقى فى حالة ان تقوم ثوره اجتماعيه حيث ان الست فى الاسلام هتفضل دايماً مجرد اداه لللإستعمال المنزلى و التمييز الجنسى ضد الستات فى مصر حاجه مش طبيعيه ، لكن مش هتسيب مصر و هتحارب للنهايه. و قالت ان ستات كتيره بيتنقبو بس عشان يقدرو يهربو من التحرش بيهم و يقدرو يمشو فى الشارع. و عن المثليين و السحاقيات وضحت علياء انها بتكره نظرة المجتمع ليهم على انهم شواذ حيث ان الاختلاف مامعنهوش شذوذ.
بتقول علياء انها بتؤمن بكل كلمه بتقولها و انها مستعده تعيش فى خطر من كل التهديدات اللى بتوصلها و ده عشان تجيب الحريه الحقيقيه اللى بيحارب من اجلها المصريين و بيموتو فى سبيلها يوماتى.
كتبت علياء مهدى على صفحتها: حاكموا الموديلز العراة الذين عملوا في كلية الفنون الجميلة حتي أوائل السبعينات و اخفوا كتب الفن و كسروا التماثيل العارية الأثرية، ثم اخلعوا ملابسكم و انظروا إلي أنفسكم في المرآة و احرقوا أجسادكم التي تحتقروها لتتخلصوا من عقدكم الجنسية إلي الأبد قبل أن توجهوا لي إهاناتكم العنصرية أو تنكروا حريتي في التعبير.
