الوسم: الحبيرتي

كلمات قصيدة الأماني

الليل هذا خيمة احزان الاحزان
وانا حزين بدون ليل ومباني

ياشمس والله غيبتك شانها شان
اما اطلعي والا تراني تراني

ليلي ورق شاعر وعاشق وسهران
صوته حزن واحساس حزنه مواني

غريب فكر وحس في غربة اوطان
كن السكوت يبيع غيري عشاني

هذا انا أبكي على صوت الاذان
لو ان نفسي لاعصيت تعصاني

انا اكثر انسان تعب لانه انسان
يعاني اليا شاف واحد يعاني

انا يدين ماتطاولها الازمان
انا الوطن انا زمان لـ زماني

ياغايب الدنيا على افراح واحزان
وانا الحزن قد باعني واشتراني

شفني على شرفة امل أقطف أفنان
والصمت مل من الكلام وحكاني

فيني أماني ماتحقق لها آمـان
ليت الاماني شي غير الاماني

تعال ما بقلوب الايام نسيان
لك ذكريات معطره بمتناني

خل العيون اللي قرت خط الالوان
تقراك ياأول من كتبت وقراني

تعال خل الدمع يحكي علشان
تعرف بإن دموع عيني معاني

بمكاني اسولف معك قدر الامكان
لكن صمت احساسنا احساس ثاني

تعال سولف لي بلا صوت ولسان
مشتاااااق لك والشوق غير مكاني
‏