وقت العتاب راح

***

وقت العتاب راح لا ترجع تعاتبني **مات الأمل والبقى في راس وجداني

ماني متل ما انت خابرني وتحسبني ** فلان الاول أصبح واحد ثاني

خلاص مات الهوى لا تهدم ولا تبني ** تركتني لين جا النسيان ناداني

العام أدور سبب منك يقربني ** واليوم أدور سبب لأجل تنساني

بعثرتني في هواك واليوم رتبني ** نسيتني الناس شفني صرت وحداني

كان السهر الي في هواك مجنني ** والحين حتى السهر يكبر على أجفاني

أجيك يمحيني عتابي ويكتبني ** ما فيه طاري عتب يمر ما جاني

وأرجع وانا أقول وش يلي للجرح جايبني ** أدري بجرحك ولا ادري وش اللي وداني

عن صدق الأحلام جا الواقع وكذبني **وعن فرح الأيام جا حبك وبكاني

مليت أشيل الأمل والدمع يغلبني ** وأقول باكر ييجي للشوق يلقاني

ويروح باكر واجي والوقت قالبني ** وأرجع على وحدتي وأحزاني هي احزاني

بكيتك العمر كله يا معذبني ** وشفيك ما تبكي الليلة على شاني

كتبت ما هو عشان تقول عاجبني ** مليت من الشعر وصح الله لساني

أنا أفخر بشعري ولو شعري مغربني ** كتبت أجمل جروحي لجل تقراني

خلاص لا تتعب وترجع تعاتبني ** أنا نسيتك دخيل الجرح أبا تنساني