ليت السفر بين المحبين ممـنــوووع

بتعيش لو أن (السفر) حق مشروع
…. المشكلة.. لأهل الهوى حزن وآهات

لاغاب ( خلك ) والرجاء فيه مقطوع
…. لابه (رسايل) تاصلك واتصالات

الخط مغلق…كنّه (الكرت) منزوع
…. من ضيقتك تلعن جميـع اشتراكـات

تضرب على الكفّين والقلب مفجوع
…. تضيق بك عقبه جميـع المساحـات

في ليل دامس ضايعٍ مابه شمـوع
…. (الفكر) تايه فـي دروب المتاهـات

(العين) تذرف بالدقايق له دمـوع
…. و(القلب) عايش بين حسره وونـات

لوّك تجر الصوت ماهوب مسموع
…. ياطول مـا بينـك وبينـه مسافـات

يمكن ظروفه مامشت له على طوع
…. ويمكن سلا فكره بروحـه وجيّـات

الهم مدهالك من أسبـوع لسبـوع
…. لاحل ذكرى ( …. ) هلّيت عبرات

بس الأكيد أن (الغلا) فيك مزروع
…. (الحب) يبقى بالضمايـر ولا مـات

الصدق قلته والزعل دوم مرفـوع
…. وقت(السفر) تبدي كثيـر المعانـات..

/

/

ممـا راااق لى