قصيدة يوسف العتيبي التى القاها امام الملك
——————————————————————————–
يافكري المشغـول للفكـر ميعـاد…..خلك معي ساعات والوقت محـدود
أنا هنا بين علـى روس الأشهـاد….موجود في الصورة ولانيب موجود
تسري بي الأفكار وأغيـب وأنقـاد….أرحل عن الواقـع ولاودي اعـود
هنا كسبت إعجاب أحبـه وحسـاد….وهناك لي موطن وتاريخ وحـدود
مانيب ناسٍ صبح بغـداد الأمجـاد…..اللي حجب شمسه من الظلم بـارود
أربع سنين وحـزن بغـداد يـزداد…..ساعاتهـا ونـات وأيامهـا سـود
وإن كان في التاريخ صورة لبغداد…..هذي شوارعها عصابـات وجنـود
فيها العباد اجسـاد وثيابهـا لحـاد…..والموت بالمرصاد والرزق للـدود
في مشهدٍ مايوم ما هـوب ينعـاد….ومأساتها من زود في زود في زود
الموت لو يرضي بشاعات الأحقاد….هو أهون أهوالن تخلي الولد عـود
ياخـادم البيتيـن ياذخـر الأسيـاد…..ياللي برايك صامل الراي معقـود
يالحاكم العادل ويالصـارم الحـاد….يامزبّن المضهود يالشامـخ الطـود
لك سيرة أمجادٍ قديمـات وجـداد…..يفوح منها زاكي المسـك والعـود
ولك حكمةٍ تلجم شياطين الأضـداد….ولك هيبةٍ يخضع لها كـل نمـرود
واليا ادلهم الخطب والعزم به بـاد…لك وقفة يفرح بها كـل مضهـود
ياسيف الأمة كـان للحـق ميـلاد…..إن ما انولد من سيف ماهوب مولود
قدامـك المنظـر ثلاثـي الأبعـاد….مكشوف للعالم ولاهـوب مجحـود
على يدك توحيد صف أمة الضـاد….وأنت الأمل لاقالوا الصبر محمـود
ياقادة الأمـة نبـي منكـم إنجـاد…..ضاعت علينا وقتنا أغلال وقيـود
شعبٍ يعيش الغبـن ويـذل ويبـاد….قتيـل ومشـرد ولاجـي ومفقـود
تنخاكم آهـات الثكالـى بالأصفـاد…..وطريق مجـدٍ بالملمـات مسـدود
تنخاكم الآمـال وأمجـاد الأجـداد…..اللي لها معكـم مواثيـق وعهـود
………………………………….
قصيدة قالها بعد الحفل عند السلام على الملك عبدالله
يقول قلبي قبل قول اللساني… لا والذي لامن طلبت اعطاني
واللي بعد موتي بعد يحييني… اني انا بسمي وبسم اخواني
ابايعك ياسيدي عبدالله… بيعة مثل ما بايعوا , جداني
ذولاك , معا عبد العزيز الاول…. وحنا , معا عبد العزيز الثاني
ياخـادم البيتيـن ياذخـر الأسيـاد…..ياللي برايك صامل الراي معقـود
يالحاكم العادل ويالصـارم الحـاد….يامزبّن المضهود يالشامـخ الطـود
لك سيرة أمجادٍ قديمـات وجـداد…..يفوح منها زاكي المسـك والعـود
ولك حكمةٍ تلجم شياطين الأضـداد….ولك هيبةٍ يخضع لها كـل نمـرود
واليا ادلهم الخطب والعزم به بـاد…لك وقفة يفرح بها كـل مضهـود
ياسيف الأمة كـان للحـق ميـلاد…..إن ما انولد من سيف ماهوب مولود
…………….
صح السانك على هذا الاختيار الرائع
وصح السان الشاعر يوسف العتيبي
والله يخلي لنا حبيبنا بابا عبدالله
لو حروف الدنيا كلها شعر ماتوفيه حقه
تنقل لقسم همس القوافي
تحيتي
صح لساانك ولساان العتيبي عسااف الكلماات
الله يحفظ لنا مليكنااا ويجزااه الخير
آآمـــــــــ ي ـــــــــن
تحيتي
يسلموووووو اختي ثرثر وعندما تبتسم الجراح على مروركم
الجميل منورين الصفحه0000
°ˆ~*¤®§(*§*)§®¤*~ˆ°تحياااااااااااااااااااااااااااااااااااااااااااااتي 000°ˆ~*¤®§(*§*)§®¤*~ˆ°
عبـ الرٍيآض ـبوٍديّ
كلمآت رآقيـهّ
تدل ع ذوٍقك الرٍآقيّ
تسلمـ, يآقمرٍ
وسلمت يمينكـ,