أحيانا تحدث لنا أحداث .. نشعر بها بكل تفاصيلنا .. لكن قد لا نفهمها بكل تفاصيلها
أو قد تتداخل واقعيتها مع خيالاتنا .. لتكمل التفاصيل الباقية بتفاصيل خياليه لا تمت للواقع بصله
لنكمل التفاصيل كما نريد… ونرسم جميع الأشياء المحيطة كما نريدها أن تكون
أو قد تكون كل تلك الأحداث مجرد خيال في خيال.. اختلقناها لنهرب من واقعنا لها .!
جاني بغفلة وفي زحمة عمر
جاني ومن دون مدري جاي ليه.؟!
لا حسبت حساب قربه والنظر
ولا حسبت يديني بتلمس يديه.!
يا كثر ما بدنيتي ضجة بشر
وروحي من بين البشر مالت إليه
والرياض اللي عرفته بلا مطر
من حضرأمطر وكنه يرتجيه
فيه طيبه و ما فيه غدر
غير عن كل الاوادم والوجيه
حرك إحساسي وغيره ما قدر
من هو مثله بالعمر والله اشتريه
وليت بعدي عنه ما يبعد شبر
وإما هو اللي بيجي أو أجيه
لحظه يا قلبي طلبتك.. انتظر.!
لا يكون الحب.! ترا مقدر عليه
بكره بـيـبعد ويتركني احتضر
بنار شوقي وكل ما فيني يـبـيه
من بعده أخاف ما ألقى صبر
وخايفه إني اعشقه وأموت فيه
و الوكاد اللي حصل كله قدر
هو غريب.. وكل أحاسيسي تبيه
وفي النهاية بكتب بأخر شطر
لو سألني وقال أحبه.؟ قلت : إيه
مما راق لي