قصيدة الخالدي بأخته , قصة مؤلمه , ماجد الخالدي

صباح//مساء
الأخاء والمحبة

قصة مؤلمة ومبكية بنفس الوقت حدثت في حائل
هناك أخ وأخت توفي والديهم وكان يحب أخته وأسمها (حيزا) وعلاقتهم قويه مع بعض و متعود على ضحكتها وفرفشتها وخفة دمها و بعد ما تزوجت أخته وراحت مع زوجها للشرقية وأخوها سافر للعمل بتونس كانت البنت تذوق الضيم من زوجها كان يسيء معاملتها ويهينها كانت تكتم بنفسها علشان ماتضايق أخوها
بس بليله من الليلة لما ضربها زوجها ماقدر تتتحمل دقت على أخوها وعبراتها تسبق كلامها خاف عليها أخوها وقال وش فيك؟
قالت مافيني شيء وحاول معها لين عرف أنو زوجها يضربها
قالت له لا تجي قال إلا أبجي

فقال هالأبيات

لاتنثرين الدمع قولي لي وش فيك؟
……. تخالطت عبرات صوتـك وأنا اسمـع

تقطع خطوط الجو والصوت مغريك
……. ودمعك غدى نيران بالجوف واقشع

ووقف شعر راسـي ودكـن دواكيـك
……. وضرب أخماس أسداس بالشك واجمع

ويبسن عروق القلب وصارن مهاليك
……. مغيـر اغـص بخافـي الريـق وابلـع

وشلـون مابـه شـي يرحـم أهاليك
……. تدريـن بغيـر الصدق لا يمكـن اقنع

أنا عهدت الضحك يعشـق اشافيك
……. وعيـون ما خلقـت علـشان تدمع

سلامـة اللي كـل أبوهم عزاويـك
……. وليا انتخوا بالحيز نيـران وأشنع

وليا وضح صوتـك بأذاني عزاويـك
……. (حيزا حيزا !) ساعـة الصفـر ترجـع

تكفـخ حرار(ن)ماسبقـوهـا ممالـيـك
……. وترسي جبال(ن)مانوت يـوم تخضع

وتـارد فهود(ن)ما تهـاب الشرابـيك
……. وتهـوي نجوم(ن) أرمت جـال تفنـع

من أقصى الجزيرة إعصار توحي أذانيك
……. مـن هيبتـه يرتـج حـــفـره ويـركـع

ومن أقصى الحساء بركان تونس أياديك
……. مـن هيبتـه صميـدع القلـب يـربـــع

لا والله إلا اجيك وشلـون مـا اجيـك
……. شفني عليه اقرب من الموت وأسرع

اللي ازعلك يمكـن نسـى إني أخيك
……. ولا تخيـل لاتغربـت مــــــا ارجــع

لا تنثريـن الدمـع حـيَّـن محاكـيـك
……. والله تخضع اشناب مـن شـان مدمـع

بعد هذه القصيدة راح لها للشرقية وقتل زوجها والحين هو بالسجن محكوم عليه بالقصاص
وربي مؤلمة هالقصة وأثرت على نفسيتي أيام والله شيء مبُكي
الحين البنت لا زوج ولا أخو ولا عزوة ولا معين
ربي يجبر بخاطرها

وهذا رد الشاعر / ماجد الزيد الخالدي عليه لانه تعزوى بربعه ( حيزا حيزا)d5

يالخالـدي لـبـت اســود(ن) تلبـيـك
لبـيـه يالبـيـه لـبـيـه تـخــرع

لبووو لـك الـي كـل ابوهـم عزاويـك
مـن الحسـاء للجـوف لجبـال المـع

يوم انتخيـت الحيـز تبشـر هقاويـك
الحيز منهـا المـوت المـوت يجـزع

ياحي صوت(ن)لاجل راعيـه نعطيـك
روس الرجال الي على المتـن تجـدع

حيـزا حـيـزا حيزا لابلغتـنـي ملبـيـك
تقشع اسود(ن)لاقشعـت كـود تمـزع

والي خلق سبع(ن)ونا الذيـب لاجيـك
الفيـن فيلـق تحـت اياديـك تجمـع

ابشر بعـزك كـل ابونـا بنـي خيـك
يـاوالله ان الارض لرضـاك تشـبـع

ياراعـي الحيـزا سلامـة منـاديـك
ابشر بعزك لـو تبـي الحكـم يرجـع

عطني الهدف والي رفع سبع لارضيـك
والله ثــــم والله والله لافـــــــــزع

لأفـزع كمـا ليث(ن)والايـام تنبيـك
لاوالله ان الــدم لا طــش تسـمـع

تسمع عـن ليوث(ن)تـدوس لمهاليـك
تاطى الضرر اسرع من الطرف واسرع

تاطى علـى صفحـة جبين(ن)يعاديـك
مـن هولنـا يرتـج ثهـــلان يـربـــع

سلامة الـي كـل ابوهـم بنـي خيـك
زحول واطين(ن)علـى خشـم خفـرع

سلامة الـي كـل ابوهـم بنـي خيـك
عز الله ان المـوت لرضـاك مطمـع

سلامة الـي كـل ابوهـم بنـي خيـك
والله تقص ارقـاب مـن شـان مدمـع

القصة. قديمةة مرهه
بسسس القصصيدة اعجبتني مره وكيف الاخ ضحى بنفسسه لجل اختهه ، بس ب الاخير فقدته وانسجن وعاد مدري تم القصاص فيه والا اعتقوآ رقبته ~> الله يرحمهه ويصبرها اذا مات
اليممممه وربي