فطيرة التفاح
من أشهى حلويات المطبخ الأمريكى
عدد الاشخاص
4
الوقت
وقت التحضير : 30 دقيقة
وقت الطهي : 1 ساعة
الوقت الكلى : 1 ساعة 30 دقيقة
الادوات المستخدمه
صينية بايركس
المقادير
6 x عدد تفاحة (مقشرة ومنزوعة القلب ومقطعة شرائح)
3 x معلقة كبيرة دقيق
½ x كوب (140 جرام) سكر (بنى)
½ x كوب (240 مللى) زبدة (غير مملحة)
½ x كوب (140 جرام) سكر (أبيض)
¼ x كوب (240 مللى) ماء
مقادير قالب عجين للفطائر
4 x معلقة كبيرة ماء (مثلج)
1 ¼ x كوب (140 جرام) دقيق
½ x كوب (140 جرام) زبدة
¼ x معلقة صغيرة ملح
الخطوات
الأول هنحضر قالب الفطيرة وهنعمل منه 2
هنقطع الزبدة مكعبات صغيرة ونجمدها فى الثلاجة قبل الإستعمال.
هنخلط الدقيق والملح فى الخلاط حوالى 10 ثوانى.
هنضيف الزبدة للخلاط ونخلط يدويا حوالى 8 مرات قصيرة لحد ما يتكون كتل فى الخليط ‘بلاش نخلطهم زيادة’
هنضيف الماء شوية شوية للخلاط ونخلط بحرص لأن العجينة المفروض تكون رطبة بس مش المفروض تتحول لكتلة واحدة.
هنشكل العجينة على شكل قرص صغير ونلفها فى البلاستك وتدخل الثلاجة لمدة نصف ساعة.
هنرش شوية دقيق على الرخامة ونفرد العجينة كويس بشكل دائرى.
هنحط العجينة على صينية لخبز الفطائر عمقها من 2 ل 3 سنتيمتر وهنخلى دائرة العجين تاخد شكل الصينية والأطراف هنثبتها على الصينية من برة ‘راجع الصورة’
بعد كده من الأفضل ان الصينية تدخل الفريزر ونسيب العجينة تتجمد قبل خبزها.
لو هنستعمل القالب فى وصفة هنكمل عادى.. أما لو هنخبز القالب هنسخن الفرن على درجة حرارة 200 وبشوكة هنخرم العجين كويس بالذات عند الأجناب وهتدخل الفرن لمدة 10 دقائق.
هنسخن الفرن على درجة حرارة 220
فى حلة صغيرة هنسيح الزبدة وبعدين نضيف الدقيق ونقلب كويس لحد ما الخليط يتماسك.
هنضيف السكر الأبيض والبنى والماء ونسيب الخليط يغلى مع التقليب البسيط وأول ما يغلى هنوطى النار ونسيبه لحد ما يتقل.
بعد كده فى صينية الخبز هنضيف القالب السفلى ونضيف عليه شرائح التفاح. أما القالب العلوى هنقطعه شرائح طولية ونشكله على شكل مربعات أو سمبوكسات فوق التفاح وبشوكة هنضغط أطراف القالب السفلى والعلوى مع بعض علشان نقفل الفطيرة.
بعد كده هنصب الصوص براحة جدا فى الفتحات الى فى القالب العلوى علشان الصوص ينزل فى الفراغات اللى بين قطع التفاح.
هندخل الصينية الفرن لمدة ربع ساعة وبعد كده هنقلل الحرارة ل 175 درجة ونسيبها تستوى لمدة 45 دقيقة.
بعد ما تخرج من الفرن هنسيبها تبرد شوية وبكده تبقى جاهزة للتقديم.
المصدر/ منتدى الأســرة > مطبخ نهر الحب – Kitchen