يارب هوّنهـا علـى هاالليلتيـن
وألطف بعبدٍ خاضعٍ لك هامتـه
ماني بناقص هم همي من سنيـن
أطيح من موجه علـى دوّامتـه
واليوم زوّدها المفـارق حبتيـن
بانت تحت عين الشقى علامتـه
سافر حبيبي كيف مدري ليه وين
سافر وفرّح بي النفوس الشامته
وتفجر الصمت بعيوني دمعتيـن
والدمع منطوق العيون الصامتـه
رسمت لوحة دمعة الخد الحزين
وكسبتها تعظيـم مـن عظامتـه
رسمتها وأصبحت سيد الراسمين
يـادار هولنـدا ويـا رسامتـه
اعجاز من دافع فراق افخر جبين
عساه يرجع وأفـرح بسلامتـه
الفاتن الغض الغنـوج المستليـن
سيدي وروحي بالهوى خدامتـه
مجرم ولكن غير كل المجرميـن
جريمته تسنـد علـى وسامتـه
تزعّم قلبـي عريـب المنسبيـن
واكبر دليل انه خـذى زعامتـه
يوم الخليج تـؤرّخ الرزنامتيـن
انا تواريخـي علـى رزنامتـه
لبّا عيونه تحت قوس الحاجبيـن
ولبّا جمر ثغـره ولبّـا شامتـه
ولبّا تغنّاجـه ولبّـا الضحكتيـن
اللي يكسّرهن علـى ابتسامتـه
علمني ان الصبر للمظلوم زيـن
وعلمته ان الظلم مـن ظلاّمتـه
وعلمني ابعد عن عيون الطامعين
وعلمته عقالي يحشـم عمامتـه
وعلمني استنشق اريج الياسميـن
وعلمته الغصن وطرف حمامتـه
وعلمني اكتب مع فراقه جملتين
طلب من البحرين ليـا منامتـه
من شجرة التفاح ابـي تفاحتيـن
ومن راعي التفاح ابي سلامتـه
ركزولي على اخر بيتين ابي رايكم فيها