كلام العيون
هذه قصيدة جديدة لي واتمنى ان تنال على رضاكم وتهمني ارائكم
صدفة .. بدون مقدمات ومواعيد
صدفة نظرت وجات عيني بعينه
وكن الزمن وقف عيون المشاريد
هذا مصير الحي يلقى ضنينه
سالتها… بالعين قدم المناقيد
وشلون حالك جعل دنياك زينة
قامت تغمض عينها لي وتعيد
يعني بخير الله يسقي سنينه
قاطعتها بالعين عندي مناشيد
قامت تناعس عينها بالهوينه
فهمتها من قبل لا اعيد وازيد
يعني تفضل وانتبه من الغبينه
قلت الفراق اللي كتب بالمروايد
مرواد كحلن وسط ليله حزينه
قامت تناظر للسماء والتناهيد
من صدرها كنها تضيق المدينه
كنها تقول اطلبك يا بن لاجاويد
يكفي غباين روحي … المستدينه
وهديتها بالعين قبل ارخي القيد
وضميت كفي وسط كفي وادينه
قلت انظري كفي ودون التعاقيد
وضميه صدري واستبيحي كنينه
قامت تغمض عينها وتنثر الجيد
وضمت يديها لصدرها وبان لينه
وطول غياب العين في غمضة السيد
والروح راحت في يدينه سجينه
وقمت انتظر رجعة عيونه وانا اعيد
ذكرى لنظراته… وغمزة انينه
لين ارفعت العين بنظام تشديد
كنها تقول اللي معي راح وينه؟؟
وناظرتها والقلب ما عاد به فيد
قلت ارحمي قلبي دخيلك تجينه
قامت تغمض عينها وابتدت لايد
تمسح دموعن مرجفاتن ثمينه
وقمت ارتجف ما عاد فيني مناجيد
لولا الحياء لاروح اقبل يدينه
هذا كلام عيونن دون تعقيد
هذا الذي ما بين عيني وعينه
الصارم
روووعهـ وربي
شآآعر ماشالله
قلم مبدع ومبدع ومبدع
صح لسانك ولاهنــت
بانتظار جديدك بشوٍِق
دام نزف قلمك لمن تحب 
تحيتي
رووووووووووووووووعه
يسلمووووووووووووووو
يعطيك الف عافيه
الله لايحرمنا جديدك المميز
دومت بود..
كلام العيون
روعة
كلام العيون رائع
ودي
عشات الايادي
تحياتي لك
كلمات في منتهى الروعة
جميلة كلماتك جداً
كما عهدتك دوماً
مرهف الحس
والمشاعر
ودوماً تعبيراتك
رائعة
تقبل اعجابي لما خطه لنا قلمك الجميل
دمت مبدعا
تقبل مني المرور
والإعجاب
بما سطرته هنا
أناملك
كل الود لكَ .