ابي اعفيك من بكره مدام اليوم عنا غاب
……………….. مدام الفرح مثل الحزن يسوي بعض دمعاتك
قبل لا ياخذك فكرك وتتعب بين ودا وجاب
…………………… ابي اختار بعدي عنك مدام البعد رغباتـــك
امانينا وحكاوينا وقصه ما حملها كتاب
………………….تخيل كل هذا الحب تلاشى في تفاهــــاتـــــك
لعبت الدور في حبي ولكِ مني اشد الاعجاب
……………….. عرفت اشلون توهمني وكنت اصدق ضحياتك
تحملني الغلط يومك عجزت تناقض الاسباب
……………….. ضعيف النفس ما تقوى تواجه حتى غلطاتك؟!!!!
مـــعاناتك مــع نفســـك ولو يلبـــس عنـــك حجاب
…………………. تأكد مــا أ حــــد غيــري يفهـــم معـــانــاتك
شعورك في الهوى زائف ولو تصرخ ترى كذاب
…………………… قطار العمر يرحل بك ولا تعرف محطاتك
بكــيفــك عــيش ايامــك وجــرب كـل يوم احباب
…………………….. شبيهن لك ترى تلقى وتلقى فيه لذاتك
سقط تمثالك الثلجي محى بعضك وكلك ذاب
…………………. معالم دنيتك ضاعت صعب تعويض ما فات
حكيت اكثر من اللازم نسيت ان السكوت عقاب
………………..غلط افرض عليك احساس مهو موجود في ذاتك
حبيب العمر لك شكري لنسيانك فتحت ابواب
……………………… بلا ما احرجك اكثر تطمن رغبتك جاتك
.
.
.
.
وســــــــــــلامتكم
صح لساانك خيتوو
لا عدمنى تمزيك
ودمتي لنا سالمه
سيدتي عشان الحب
صح لسانك يالغلا ولاهنتي كلمات في غاية
الجمال والروعه ,كما هي عادتك تبهرينا
بما تقدمينه دائماً, الف شكر
دمتي سيدتي
ودام ابداعك
صح لسانك
قصيده رائعه
سلمت يداك
دمت بوود
الغلا
يسلموووو
على رقي الكلمااااااات
تحيتي لكـ