من عقب ما بيني وبينـه خصيمـه
و انا ترا في الحـب مانيـب فعـال
ولا بعد ولـع فـي قلبـي هشيمـه
و لا بعد غنيت في ساعـة وصـال
ولا بعد ضقـت الفـراق و جحيمـه
و لا جري دمعي علي الخـد همـال
و لا بعـد جربـت مـر الهزيـمـة
حتى وردنـي تالـي الليـل جـوال
وانا علي شاهي و بسكـوت ديمـة
الرقم بايـخ لكـن الصـوت قتـال
كنه مثل صـوت المذيعـة حليمـة
قالت مساء الخير يـا طيـب الفـال
قلـت ارحبـي ترحيبـه مستديمـه
بالعود و الصفري و دلـه و فنجـال
واجبك يا بنـت الاصـول الكريمـة
ردت بضحكة ثم قالت وش الحـال؟
قلت اشهد ان الحال عقبـك سقيمـة
قالت و هي تضحك بعد مثل الاطفـال
و انـا بعـد كنـي بدونـك يتيمـه
من يـوم قالتهـا تزلزلـت زلـزال
من فجعتي كنـي مسـوي جريمـه
قلت ارفعي الصوت ترى ما به ارسال
كـذاب لكـن المصيبـة عظيـمـة
قالت اقول اسمع ترى هرجنـا طـال
ممكن تصاحبنـي ترانـي وسيمـه
و اسمي الحقيقـي اول حروفـه دال
لكـن يسمونـي البنـات الزعيمـة
صحيح احب الفخفخة و اعشق المال
لكـن ترانـي طاهـرة مستقيـمـه
ما عندي مغـازل و لا لعـب يهـال
ما عندي الا في الشرف و الحشيمه
بس الصراحه قلبي لشوفتـك مـال
و اصبحت وحدك جالس في صميمـه
فكر بعقلك و اتـرك القيـل و القـال
و احذر تطيع اهل العقـول العقيمـة
و ارسل علي الحين خمسمية ريـال
اشحن بهـا جـوال اختـي غنيمـة
او طقم غالي فيه خاتـم و سلسـال
اروح به في عـرس و لا عزيمـة
قلت الحقيقة مانيـب رجـل اعمـال
و لاني بتاجـر و المـوارد عديمـة
انا الصراحـه شبـه عطـال بطـال
و علاقتـي بالفقـر جـدا حميمـة
و الراتب الله يرحم الحـال مـا زال
محدود و المصروف ربـي عليمـة
و الدين بـالألاف و البنـك شغـال
ياكـل فلوسـي بالربـا و الظليمـة
و السوق طايح و الغلا ضيق البـال
و الموت و الله صاير اكبـر غنيمـة
قالت تحمل بـس و الحمـل ينشـال
خلك شديد البـاس صلـب العزيمـة
ياخي تصرف جعلك اتصيـر نشـال
اهـم شـي ان النـوايـا سليـمـة
لا بد تفهمنـي علـي كـل الاحـوال
ما دمت من اهل العقـول الفهيمـة
قلت اية والله فاهم اللي علي البـال
لكـن تـرى هـذي علينـا قديمـة
يا بنت هـذا صايـر اليـوم مـوال
للي تبي تلعب علـي ابـن اللئيمـة
يا بنت ما تدرين كـم فيـه محتـال
يلعب علي الحبلين و انتي غشيمـة
يا بنت كم من جاهلة دمعهـا سـال
من عقب ما جات العواقـب وخيمـة
و البنت لا اقفى عرضها بيد الانـذال
والله مـا يبقـى لهـا أي قيـمـة
قالت تبي و لا فخلـك علـي جـال
مهـوب ناقصنـي نصايـح حكيمـة
عز الله انك للاسـف منـت رجـال
و انك قليل الذوق مـا فيـك شيمـة
يا لعنبو اللي مـا يسطـرك بنعـال
حتـى يعلمـك الغـزل يـا بهيمـة
(تفو ) عليك و صكت الخط في الحال
مدري ( تفو ) هي مدح و الا شتيمة
الا شتيمه هههههههههههههههههههه
الف شكر لك على قيد الحياه ..
هههههههههههه
لا والله شتيمه
يعطيك العافيه ع هذا الطرح الرائع
كتبت فأبدعت
سلمت الأنامل
لالا .. مدح ..
..(( ههههههههههههههههههه ))..
تسلم الأنامل قصيدة ررروعة ..
لا .. تحرمنا من جديدك ..
..*** درب الحب ***..
هههههههههههههه
والله مدري يمكن تكون في مكان مناسب ةتكون مدح
يعطيك العافية على ما قدمت
الى الامام
تحيتي
ههههههههههههههههههههههههههههه
شتيمه
يعطيك العافيه ع هذا الطرح الرائع
يا بنت ما تدرين كـم فيـه محتـال
يلعب علي الحبلين و انتي غشيمـة
يا بنت كم من جاهلة دمعهـا سـال
من عقب ما جات العواقـب وخيمـة
..
صــح لســآنك وٍلآ هنــت..
يعطيــك الــف عــآ’فيــه.. وآلآ الامــآم فالــك التـــوٍفيـق
تقبــل مروٍرٍي
غــــــرٍوٍب