متأثراً بأحد النصوص الذي فيه من المفردات ما يخدش الحياء

بعض الهروج ان جيت تهرج بها عيب
ولا بعضهـا جملـت مـن هرجـهـا
وبعض المناهج من حواها بلى طيـب
تسقيه من مـر الشقـا لـو نهجهـا
شـروة قصيـدٍ ينظمـوه المغاضيـب
عمالـةٍ مـا تنجـد اللـي سرجـهـا
تثقل على يساره حـروف المكاتيـب
حسابهـا جـاري وزايـد حرجـهـا
لا عدهـا صفقـه وطلبـه وترحيـب
ظنـه بريـق ولا درى انـه وهجهـا
يا اخوي يا شاعر و يا فذ يـا أديـب
حمل الركوبـة مـا يسبـب عرجهـا
تزرعـه لرضاهـم وتجنيـه تعذيـب
تدمر ختامـك لجـل فرحـة مهجهـا
اتعب على الفكـرة ونهـج الأساليـب
و من يصعد العليـا تخطّـى درجهـا
ميـر القصايـد لسكنتهـا العذاريـب
وش فود نسحبهـا ونطـرق هزجهـا
قد قالها اللي لو رحل قولـه مصيـب
عليـه صلـى الله معـدل عوجـهـا
قبيحهـا آثــم وتـرديـده معـيـب
و نظة حسنها هي ذرى مـن نسجهـا
في وقفةٍ لو ما لحـق أهلهـا الشيـب
تمسـي علينـا حجـةٍ مـن حججهـا
يا اخوي يا شاعر ويا الفذ يا الذيـب
نصيـحـةٍ قدمتـهـا وانتهـجـهـا