كيف تتصرفين مع الزوج الذي يعشق النساء الجميلات

كيف تتصرفين مع الزوج الذي يعشق النساء الجميلات..؟
دوم اقرأ عن الرجل الخائن
والرجل اللي عيونه زايغه
ولكن رجل يحب اي مرأة جميله ويحب يكلمها مو بس يكتفي يطالع فيها الا يبي يكلمها يعني هوس او مرض

امس الله يبعد عني و عنكم هالنوع من الرجال كنت قاعده اكلم ام رفيجتي بموضوع بنتي..

الا تدش علينا رفيجتها وتقولها يا فلانه تعبت وتقريبا رفيجتها من عمرها يعني في نهايه ال40

انا طلعت من الغرفه بس عرفت السالفه من رفيجتي حريم مايفوتنا شي

اللي هي :

–صارلها متزوجه 26 سنه واكبر بناتها متزوجه وعندها 4 ولاد
وزوجها المصون كان متزوج قبلها ومطلق من غير عيال عموما تقول من تزوجنا وهو يطالع في اللي رايحه واللي راده واكتشفت انه له علاقات وايد وانه خسر زوجته الاولى لانها ماتحملت طبعه
ويحب يطالع اي بنت حلوه بالتلفزيون وايحب المتان يعني عنده هوس بالجمال
وكل ماتكشفه يعتذر ويوعدها انها اخر مرة ويعود يكررها واللي قاهرها ان ريلها موصغير و26 سنه فيها اولاد واحفاد ماغيرت فيه شي
تقول انا عندي 7 اولاد يعني جسمي مو مثل قبل وعمري مو صغير وهو كل يوم طايح فيها ولاتاكلي وايد بتسمنين ووووو
وهي محافظه على نفسها انا ماتخيلتها عندها 7 بصراحه لا هي رشيقه ولا هي سمينه ومره كاشخه انا الحين حامل بالثاني وجسمي متغير
المهم اكتشفت ان زوجها له علاقه مع شاميه وهالشاميه يعرفها حتى في زواجه الاول
وهذا اللي قاهرها

لشنو توصلوا ماادري بس مااظن في هالعمر ممكن تغير زوجها

اللي خلاني اكتب هالموضوع هل صحيح اللي تتزوج بخاين تنسى ان ريلها بيعتدل وان سكتت عليه هل ممكن بيالغ وينسى عمره ودوره كأب او جد او زوج ويظل عايش مراهقته
او حريم قبل صبرهم كان فوق المفروض