سلام عليكم
بقولكم قصه واقعيه وكل شي فيها واقعي وصار من 3شهور تقريبا لشخص اعرفه
بيوم من الايام كلمته امه وخواته يبون يزوجوه .. وهوو ماعنده مانع بس يقول بدري
نصبر شوي وبعدها يصير خير .. اهله جننووه يبون يفرحون فيه
المـهم قاموا يقولوله عن البنات وعن فلانه بنت فلان وشوي يخيرونه فبنت الجيران شوي لا بنت خالك المهم ماخلوو بنت بديرتهم الا وقالوها
قالهم مابي شي اللي تشوفوه قام وعطاهم المواصفات اللي يبيها وماطلب شي كثير .. المتعارف عليه متعلمه .. محافظه على صلاتها .. تكون على قدر من الجمال .. يعني مو كثير
الشاب وسيم وماعليه كلام ..
بعد ماشاورا بعضهم اتفقوا على بنت الجيران .. بنت ابو محمد .. رجال طيب وفيه الخير ومن عائله معروفه
المره ماكذبت خبر وقالت لزوجها ان فلان بيعرس خلاص وافق
والبنات نفس الشي كلموا البنت واخذو منها موافقه مبدئيه
بعدما جهزوا انفسهم وكل شي راحو لبيت ابو محمد وتمت الخطبه ورحب فيهم الرجال وقام بالواجب
بعد الخطبه بفتره قام يكلمها من وقت للثاني ومو دايم هو حس ان البنت تحاول تتجنبه فبعض الاوقات .. قال ماعليه يمكن مستحيه او ماتعودنا على بعض ..
البنت طلعت تحب واحد وخطيبها مايتعوض
بعد شهر تقريبا حست انها لازم تقوله لانها ماتبي تبني حياتها على كذبه من البدايه
دقت عليه سلمت وبعد السلام صارت تتلعثم بكلامها ماتدري وش تقول
قالها قولي فيك شي .. تعبانه .. حاسه بشي
قالت ايه .. انا احب واحد ثاني ومابي اتزوج واحد مااحبه وقلتلها لك من البدايه .. لاتقول ضحكت عليك
تفاجأ خوينا .. انصدم .. معقول لها الدرجه صرت ماافهم انا ,,
المهم قالها ابشــري .. مو انا اللي ابني سعادتي على تعاسة غيري
قام ورح لبوها وفهم انه ماله نصيب فبنته وان العيب منه هو مو فبنته
لانه شافله شوفه ثانيه … ( يعني قلب السالفه على نفسه .. كأنه هو الغلطان ) الشاب تهزأ من اهله واللي حوله على اللي سواه وماهي من علوم الرجال تضحك على بنات الناس وانت نزلت رووسنا بين الرجاجيل وانت وانت
على فكرة البنت الحين تبي ترجع المياه لمجاريها بس مارضى وغير رقمه
وهي تطارد فيه
شلون يرجعلها بعدما بين لأهلها وللناس انه مايبيها وهو بالعكس هي اللي ماكانت تبيه
الكلمه اللي قالتها له انها تحب واحد ثاني كل يوم يسمع صداها يتردد على مسامعه مو مصدق اللي صار
رغم كل اللي صار حالف يمين انه مايرجع عن اللي سواه وهو متأكد لو يبي يرجع كان رحبوا فيه مره ثانيه بس يقول .. حسب كلامه
الموت اهون عليه من الرجوع
وابي ردكم … لو انتم فمكانه وش تسووووووووون
والا ســـواه صح ؟؟؟
موقفه موقف رجواله انه ستر على بنت الناس وما فضحها لاكن دام البنت عافته من البدايه صعب يرجع لها بالنهايه حتى لو بغته
يسلمو على مرورك العنود ..
وهذا اللي صار ومارح يرجعها وانتهى الموضوع وشاله من راسه
موقفه موقف رجواله انه ستر على بنت الناس وما فضحها لاكن دام البنت عافته من البدايه صعب يرجع لها بالنهايه حتى لو بغته
تقبل مروري
تسسسسسآـم هالايآإًْدى . . لـ طرح القصـة .
آرق تحيآإًْتى . . . 
مجـــ رائع ــهود
تمنياتي ب التوفيق و النجاح الدائم
و دي