| السلام عليكم
هذه القصه مقتبسه وحلوه واريدكم تقرأوها
قصه بكت منهـا المحابـر والاقـلام
وانا عيونـي ضخـت الدمـع معهـا
قصه حزينـه ماتجـي لـو بالاحـلام
الله يعيـن الـي هـنـا يستمعـهـا
قصـة عجـوزٍ لام لطفـالٍ ايـتـام
بعـد وفـاة الشايـب الـي فجعهـا
مع انهـا كـد جالهـا عـدة اعـوام
لازال قلبـي يحتـرق مـن وجعهـا
اخذت لي مـن بعدهـا ايـام مانـام
وشلون مـن قصـة حياتـه تبعهـا
هذي فتـاةٍ عاشـت ايامهـا اوهـام
الوقت مـدري حظهـا الـي خدعهـا
تحلم تصيـر امٍ لهـا اعيـالٍ احشـام
ولامنهـا كبـرت ولـدهـا نفعـهـا
وتم الزواج وقالـت الحـظ تـو قـام
يابنـت نفسـك تـو جاهـا سنعهـا
والله رزقهـا واحملـت بعـده بعـام
ومن الفرح بيـت اهلهـا ماوسعهـا
وقامت توسـل للولـي سيـد الانـام
جعلـه ولـد والله قبـل مامنعـهـا
ثم جا الولد واحلامها صـارت اعـلام
وقامت تداري خاطـره مـن ولعهـا
لضاق ضاقت وامتلـت هـم واسقـام
ويبيـن فيهـا يـا إلاهـي جزعهـا
وتبكي فـرح لامـن تبسـم تبسـام
ياما رقد في حضنهـا وكـم رضعهـا
وتقول لو ماني علـى ديـن الاسـلام
مافطمك لو النفـس جاهـا صرعهـا
اتوكلـه وتلبسـه خـيـر هـنـدام
واليـا لعـب معهـا بكفـه صفعهـا
ثم ضمته تضحك وهي قلبهـا اقسـام
وتقول طفل وغلطـة الـورع دعهـا
الصبـح يكبـر ثـم ينـدم وينضـام
لامـن درى بالصنعـه الـي صنعهـا
وانـا ادري ان الاجوديـه ماتـنـلام
والنـاس غيـره طيبهـا مارفعـهـا
وامضت جميع ايامها احـلامٍ جسـام
وبعد كبـر خـلا العجـوز وقطعهـا
واصبح مع الي فكرهم صـار هـدام
والكارثـه فـي مجتمعنـا زرعـهـا
لضابـطٍ نفسـه ولا عـرف احكـام
ويوم ان نفسـه شوشـت ماردعهـا
مجرم ولابه صـار مثلـه بالاجـرام
لابـوه لابـو الخمعـه الـي خمعهـا
حتى اعدموه ارجال عبـد الله اعـدام
وهـو الحقيقـه عينـه الـي فقعهـا
في دارنـا لايمكـن تطـول الاقـزام
السيف الابيـض كـم روسٍ قطعهـا
ومادام حنا نعيـش فـي ظـل حكـام
عدلين اجل نفسـه وش الـي دفعهـا
في ظـل عبـد الله وسلطـان لطـام
ماعاش من يبغـى النفـوس يهلعهـا
وامه بعد ماهـو لهـا تـاج وحـزام
ماغيره احـدٍ فـي فعولـه هزعهـا
واغمي عليها واضحت اعزومها احطام
وبغرفـة الانعـاش عضـة اصبعهـا
والحين هيكل بس من نفس واعضـام
واهو الذي بالوضـع هـذا وضعهـا |
