كثر ما تثدر إتمادى وقول اللي تبي وبساع
انا واثق ولا يهمني اذا تحفر لي أي حفرة
ترى من يوصل القمة يحسده من سكن بالقاع
وهالشي من قبل معروف يعني بس على فكرة
تراها المسألة ماهي بقضية جوع أو اشباع
تفضل عندنا في البيت وشوف شكبرها السفرة
نحن لو تدري نشبع بطن فاضي اذا انه جاع
ونفهم مقصد المحتاج قبل ما يقول من نظرة
أنا أكتب أحاسيسي شعر لا تظن أنا خداع
عرفت اني انا شاعر كذا والله بالفطرة
أنا أداوي بأشعاري هموم الناس والاوجاع
ولا أبغي من ورى شعري مقابل أو أبي شهرة
أنا أصدق دوم مع نفسي وبالتالي الشعر ينصاع
تحت أمري تحت شوري على كيفي أنا أسيرة
أنا شعري مثل نجم ٍ تلالا بالسما لماع
ولي مثلك يشوفه فوق ..يطلع وقتها عذره
أنا الاشعار تخضع لي مذلة وبالغصب إخضاع
ثقة كيفك تسميها والا سمها بطرة
أنا شعري ترى يخشاه ناس ٍ يهزمون ضباع
وشعرك انت مثلك يوم تشك الخيط بالابرة
تحاول تكتبه يرفض يعاند يرتبك يلتاع
وأنا أتحداك لو تقدر تقوله بس على عشره
ياخويه لو تكون انته شبر صدقني شعري باع
وانا كم مرة اسال عنك يقولون والله والعثرة
تقيمني ومن حضرتك أسير الشوق أو الملتاع
لا والله تخسي انته ومن فوقك بعد عشره
أوإنك فاكر انك انت على غفلة مثل فزاع
لا والله ولا تسوى شعر فزاع أو ظفره
ياخويه هذا شاعر فارس مثقف وصيته ذاع
تصفق له جميع الناس من الروعة اللي في شعرة
تحت أمره هبوط هبوط وحالا لو يقول اقلاع
ووالله من كثر حبه حفظنا كل أبو شعره
أهو بحر الشعر أصلا وكل الناس فيه شراع
كلام الحق ما يزعل ولا يذبل أبد زهرة
ومب كل من كتب له بيت ويمكن هو شراه أو باع
يسمي نفسه الشاعر ويستطرب على ذكره
ترى الشاعر عبارة عن مشاعر داخل الاضلاع
اذا طلعت من الخاطر بتوصل كوكب الزهرة
اذا انك ناوي تتفلسف تراها الفلسفه انواع
واسهلها معك صعبه وليه بس تدعي القدرة
لا تتفلسف بكلماتك ترى مالك ابد اي داع
ترى سهله اقول لك قم اطلع لو سمحت بره
ولكنا تربينا وفينا المستحى ما طاع
تعلمنا مع الايام نعطي كل أحد قدره
أنا وش لي أرد أصلا على انسان لبس له قناع
دفعه النقص يتكلم وهو ميت من الحرة
بقول لك بس شي واحد ترى قالوه بالاجماع
ومن قاله ترى قاله قناعه وتجربه وخبره
ترى من يوصل القمة يحسده من سكن بالقاع
وهالشي من قبل معروف..يعني بس على فكرة
صح لسانك اخوووي
تحيه طيبه
صح بدنك عين الضبي مشكور ماقصرت
تحياتي لك
اذا طلعت من الخاطر بتوصل كوكب الزهرة
اذا انك ناوي تتفلسف تراها الفلسفه انواع
واسهلها معك صعبه وليه بس تدعي القدرة
لا تتفلسف بكلماتك ترى مالك ابد اي داع
ترى سهله اقول لك قم اطلع لو سمحت بره
ولكنا تربينا وفينا المستحى ما طاع
تعلمنا مع الايام نعطي كل أحد قدره
الله
الله
الله
وش هالابداع والله
صح لسانك
تحيتي
صح السانك نجم الامارات
دمت ودام قلمك والى الامام
تحياتى ايمان
ترى من يوصل القمة يحسده من سكن بالقاع
…
..
.
تعجبني هالابيات
كلمآت قويه
مبدع
تـ ح ـيـآتـي
مشكورين كل الشكر
وتحياتي لكم
صح السان الشاعر طارق المحياس
تسلم على النقل
اخوي نجم الشاعر صاحب احساس
ولا يمكن ان يكون لطاش
اذا اعجبتك قصيده انقلها لمنتدي همس القوافي
واكتب القصيده تخص الشاعر الفلاني وهذا والله ماهو عيب
بالعكس يزيد من غلاتك بين الناس ولانك حساس وفكرك راقي
قد احضرت لهم كلمات مثل هذه …..
ارجو ان لا تغضب مني فانا اريد ان تكون شاعر حساس
تقدر الكلمات التي تحضرها
ومن الواجب عليا ان انقل القصائد التي لا تخص من احضرها حتى يبقى هذا القسم للموهبه فقط .
في امان الكريم