——————————————————————————–
قصيدة بنت غلطانه في رقم التلفون!!
البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان
قالت لي: انت سعيد؟ قلت: ايه بالعون.
لعيونك.. اسمي سعيد لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان
ماني بقايل لك: انـا انسـان مزيـون
اطرق ولاله شبه في الانـس والجـان
انا تركي.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان
قالت :اشوفك قمـت ياتركي تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان
قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
ياتركي .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان
قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت …وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان
المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم العنود وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان
تحياتي للجميع
رمـــــــــــــــــــــــــــ الرجوله ـــــــــــــــــــــــــز
صح لسانك يا الغلا
كلمات قمه في الروعه تقدم نحووو هذا الابداع جذبني ماكتبت
فتهت في عالم الخيال لاجد الرد المناسب ولم اجد
مايوفيها حقها
استمتعتـ جدا بكلماتكـ الساحرة
والمميزة
التي تفيض باروع مشاعر واحاسيس…..
كلماتـ بالفعل رائعه
وعذوبتها وايقاعها المطرب والذي
تغلغل ليسكن قلوبنا ……
احييكـ على قلمكـ
دمت بحب
سيدي رمز الرجوله
صح لسانك ولاهنت كلمات جميله وفكره
رائعه وتستحق التقدير والاعجاب.
دمت سيدي
صح لسانك يابعدي
بس منهي هذي *_^
<<<< وحده ملقوفه ههههههههههههههه
سلمت ايديك على الطرح
اشكركم جميعا على مروركم لي الف الف الف شكر لك واحد منكم
تقبلو تحياتي
محبكم
رمـــــــــــــــــــــــــــــ الرجوله ــــــــــــــــــــــــــــــز
قالت لي: انت سعيد؟ قلت: ايه بالعون.
لعيونك.. اسمي سعيد لو كان ضيـدان
صح لسانك رمز الرجوله احساس ومشاعر فياضه
دمت بود تقبل مروري
ماني بقايل لك: انـا انسـان مزيـون
اطرق ولاله شبه في الانـس والجـان
انا تركي.. وافـي الهـرج مـوزون
اوزن كلامي.. قبـل اقولـه بميـزان…
صح لسااانك رمز الرجوله….وتسلم يمينك…
يعطيك العافيه..
الله يعطيك العافيه
دمتـــ بخير
تقبل مروري