—————————-
ببداء بسم الله الهادي
والمرة دي كلام مش عادي
ايوة بجد انا عربي ومسلم
والسعودية ومصر بلادي
——————————
ليك انا بكتب تاني وتالت
احنا اتنين والباقي توالت
الله واحد ولا فية غيرة
ومن القران مافي حاجة اتشالت
——————————–
انا بفتكرك وانت بعيد
وفي رمضان وهلال العيد
عمر الحب مابنا هاينقص
لا بالعكس اكيد بيزيد
———————————
لما الناس بيجيبو في سيرتك
اجري بسرعة وابص في صورتك
حبي وخوفي وغيرتي عليك
اكتر قوي بكتير من غيرتك
———————————-
لسة بنادي باعلي الصوت
لما تعدي ولما تفوت
عارف اني بجد حبيبك
وانا والله بحبك موت
———————————-
قلبي بيفرح لما بشوفك
ولما تشفني تمد كفوفك
حرف كمان من اسمي في اسمك
بص يابدر وشوف في حروفك
———————————–
السعودية ومصر حبايب
واللي شافونا قالو قرايب
عوزك دايما تفضل جنبي
انا مش عوزك تفضل غايب
———————————–
كله بيدعي ورافع ايدة
ادي يارب لبدر وزيدة
لما الناس بتكون فرحانة
هي سعادتة وليله عيدة
———————————-
قلبي عليك ملهوف ميت لهفة
بدي كمان ليك ليله الوقفة
ناس من مصر كتير حبينك
مني ومنهم اجمل سقفة
———————————
دايما قلبك هو دليلك
وانا والله كتير بدعيلك
عاوز اقلك كدة من الاخر
يا انت تجيني يا اما هاجيلك
———————————
انت يابدر في نظري كبير
وش السعد ووش الخير
لو سالوني حبيبك مين
بدر اكيد من غير تفكير
——————————
كلمات
محمد
شاعر المنصورة
اهداء الي
حبيب قلبي
بدر الجنوب
الله على الابداع
يعطيك العافيه اخوي على تقديم موهبتك الرائعة
واخوي بدر الجنوب يستاهل
تحيتي
السلام عليكم ورحمة الله وبركاته
————————————
دلع عيني دلع
منورة صفحتي
بمرورك الرائع
تحياتي لكي
مـــــــــــــحـــــمـــــــــد
شغل ميه ميه ربنا يوفقك منورين المنتدى
بمروركم الجميل مع ارق تحياتى لك بتوفيق الدائم
واخى بدر يستاهل اكتر من كدا بكتير.
شكرا لك ياعمروو
مرورك اكثر من رائع
يسلمووووووووووووو
يعطيك الف عافيه
الله لايحرمنا جديدك
دمت بخير