الدمعه اللي بآخر لقى بالله خابرها

سمعت صوتـك مـع العالـم .. { ينادينـي } .!
و .. { ازريت } لا ردهـا .. بالعيـن واسترهـا .!!

و.. { صديـت } مـاودي ان النـاس .. توحينـي .!
مثلي يموت ودموعـه .. صعـب ينثرهـا .!!

ويخنقني { البوح } .. بـس القلـب يعصينـي .!
ويبقا بوسط الصدور .. وفـي خواطرهـا .!!

والحزن لونـي خفيتـه .. { واضـح ٍ } فينـي .!
ورد على القلـب .. والفرحـات صدرهـا .!!

والبسمـه الـي تبينـي .. بـس { تخطينـي } .!
متى على الله .. يجيهـا يـوم واظهرهـا .!!

ألآحي الـورق .. مـدري { هـي } تلاحينـي .!
اوَن وتسجـع .. و ونـاتـي تكـررهـا .!!

لبيـه يـا ذكرياتـي .. واجمـل سنينـي .!
ويا قصة ٍ عايشه لـو مـات .. آخرهـا .!!

وين انت يـ/ اول غرامـي .. يـا { معنينـي } .!
وين انت يـ/ اغلا ذنوب القلب .,. واطهرها .!!

اصحا وطيفـك .. معـا زولـي يبارينـي .!
وارقد واشوفك .. مع احلامـي تباشرهـا .!!

مدري تناسا غصَـب او انـت .. ناسينـي .!
ومدري عهودك وش الي صدق .. { غيرها } .!!

واليوم .. وينك بـ/ هالدنيا .. وانا وينـي .!
طالت ليال الفراق .. بـ/ عين ساهرهـا .!!

كم قلت ( توبه ) .. ترا مـا عـاد تعنينـي .!
ان جات لـ/ النفس .. نفسي يمكن اقدرها .!!

واليا اظلم الوقـت .. هوجاسـي يسرينـي .!
ويضيق صدري .. و كل ايامـك اذكرهـا .!!

وتبيني .. انسا .. وانا مـا عـاد يمدينـي .!
لو شفـت حالـي .. قسـم بالله تعذرهـا .!!

اصبَر الحـال .. فـي قولـة بـ/ ياتينـي .!
وانا ادري اني .. { اببطي } .. لـو اصبرهـا .!!

وقصايـدي فـي غيابـك .. مـا تسلينـي .!
لو تطرب الناس .. تشكي جرح شاعرهـا .!!

والنفس تشكي زمان ٍ .. صـدق مشقينـي .!
حتى انت يـ/ اغلا البشر .. تبعد و.. { تحقرها } .!!

والدمعه الـي مـن الوحـده .. تواسينـي .!
إلـي مـن آخـر لقـا .. بالله ..! خابرهـا .!!

شفها { تكابر } وترجف .. في طـرف عينـي .!
ولاني عقب شوفتك يالزيـن .. { ذاخرهـا } .!!

مما راق لي

اشكرك ع المرور الكريم

ارق تحياتي

الله يعافيك ونورت اخوي

اشكرك ع المرور الكريم

ارق تحياتي

اشكرك غاليتي من ذوقك

يسلمو ع المرور الراقي

ارق تحياتي

الله يسلمك ويعافيك

اشكرك ع مرورك غاليتي

لروحك العطرة خمائل الورد