بعد مشقه ورجاوي وعقُل وشمُغ طاحت بين ايدين الوالد وافق….صحيح اني ارتحت بعد ها الموافقه بس كان فيه شعور باني تايه واني بسافر بدون اي هدف او خطه وهذا شي طبيعي بالمقارنه مع طبيعة المجتمع اللي خارج منه. على العموم الحين جا وقت ترتيبات السفر اللي ما تعودنا عليها ولا فيه احد من الجماعه يعرفها ، بس ها المره جات من الوالد قال لي جهز نفسك على شان تروح معنا للمدينه ونحطك عند ابو فلان (واحد من الجماعه اللي ولده بيسافر معي) على شان يدبرونك مع عيالهم اللي بيسافرون. بيني وبينكم انا ما تعودت على المدينه وعيشتها والسبع ساعات اللي كنت اقضيها في المدرسه كنت اشوف انها واجد ودي ارجع للبر بسرعه (لاحظوا التناقض رغم اني راح اودع البر نهائيا)……رحنا للمدينه وعطاني ابوي فلوس صدقوني ما ادري هي كانت اقل ولا اكثر من حق التذكره ولا لا ، قال عطها ابو فلان يسنع لك السفر. تغدينا عندهم ذاك اليوم وبعدين تركني ابوي وراح وقال بمر عليك بكره للعصر…من الاشياء الزينه اني والحمدلله كنت مقبول من الجميع ما اذكر ان فيه احد ابدى لي عدم رغبته فيني او حقده علي، على شان كذا كنت محل ترحيب مره من هاالناس وكانوا مهتمين فيني (لا تسألوني عن اكلهم لانه كان عجيب غريب علي وكان
بالالوان خصوصا الحلويات) تصدقون اكلهم جلست مده اسولف لهلي عنه في البر.
حجزنا واخذنا التذاكر والسفر بعد اربع ايام…..ها الاربع ايام كانت مليانه حزن ودموع ومحاولات اخيره لتغيير راي عن الدراسه برا بس انا كنت متمسك رغم اني كنت متأثر جدا خصوصا بدموع الوالده. مرت ثلاثة ايام على نفس الحال ولازم اروح لجماعتنا في المدينه قبل السفر بيوم …..في اليوم الثالث يوم الوداع مسكني ابوي على جنب واسمعوا زين وش قال لي(…..الله الله في المرجله وفي الصلاه والدين وترى ما ودي اسمع انك صرت مدرس (لاحظوا مدرس اعلى درجه علميه يعرفها!) ….بس ماتكرم ضيوفك ولا تساعد اهلك اذا لفوا عليك…..ويلك ثم ويلك لجاني خبر انك فشلتني ولا مشيت في دروب السرسره (الفساد)…..وانتبه من اعيال الحرام واذا نمت عند احد لا تنام قبله خله ينام لاول …ولا
تمشي الا مع عيال جماعتك وعيال الحمايل………الخ)…..نصيحه ذهبيه صح..؟؟؟!!
عطاني مبلغ كان حوالي سبعميه اوالف والله ما اذكر ….امي بعد قامت تحط لي من ها الاكل في الشنطه….ودعت اهلي والجماعه كلهم نفر نفر وخروف خروف على شان (الوالد مايزعل)….ومشينا وكان المشوار مدته حوالي ساعتين وعليها وكان اطول مشوار في حياتي لانه مليان نصايح مالها لزوم…حطوني عند الجماعه في المدينه ……وجا موعد الرحله وكنا اربعه وكنت انا اكثر واحد فيهم كشخه؟؟؟؟؟!!!!! طبعا الحين انا مقبل على تجربه غريبه غير علقات الوالد وتسحيباته والخوف منه …تجربة الطياره.ما تخيلون انها جاتني لحظه بغيت اغير رايي وارجع كله بسبة الطياره……تماسكت وركبنا الطياره وكنت مبتسم
ابتسامه اخفيت وراها كميه رهيبه من الخوف…اقلعت الطياره وما ادري كيف اوصف
الشعور…على العموم بعد ما ثبتت السرعه جاب المضيف الجرايد وكنا ثلاثه الشباب وانا
جالسين جنب بعض والرابع جالس في مكان ثاني ….وعلى شان انا (ستيك) وما ني بوجه
طيارات حطوني على الدريشه على شان اشوف ….المهم جا المضيف بالجرايد اللي علاقتي بها سيئه ووزعها يوم انه عطانا الجرايد شفت خويي اللي جالس على الممر حط يده في جيبه وانا عاد ما كذبت خبر واطلع فلوسي واقوم احلف ابي احاسب على الجرايد….طبعا المضيف انبهر واخوياي اللي تفشل واللي ضحك….وقال المضيف (يابو الشباب هذي بلاش) طبعا انا فضلت اني اقلب وجهي واجلس اناظر مع الدريشه احسن لاني عارف الجرايد بدت تنتقم مني ……على فكره انتوا عارفين ليش خويي حط يده في جيبه……ابد كان يبغى يطلع سبحته…!!!!!…نسيت اقول لكم رحلتنا كانت متجهه للشرقيه…وبكره انشا الله نتقابل في الغربه.
وتابعونا في الحلقة القادمة………..
بيلييييييز لاتحرومنا من ردودكم:(
هههههههههههههههههههههههههههههههههههه
(يوم انه عطانا الجرايد شفت خويي اللي جالس على الممر حط يده في جيبه وانا عاد ما كذبت خبر واطلع فلوسي واقوم احلف ابي احاسب على الجرايد….طبعا المضيف انبهر واخوياي اللي تفشل واللي ضحك….وقال المضيف (يابو الشباب هذي بلاش)
ههههههههههههههههههههههههههههههه
والله و البلشة نبي نشوف نهاية هالبدوي معك وش صار فيه .
تقبلي مروري واااو .
يسلموا شاعر على احلى مرور
tta14 مع اني زعلانه مافي احد رد عليها بس انت
خلاص اتحطمت نفسيا وماراح اكملها شكلي
بس انت اللي رديت عشانك عسل يا ذوق(uu8
بنــــــــوته tta14
عجلي علينا بالبقيه ….
يسلمو خيتو ..
تقبلي مروري
مرررررره يسلموا مجنونها والله مره شجعتني بكلامك (uu8
يسلمك يا عسل نورررررت ولاتحرمنا من ردودك
اللللللللللللللللللللللللللللللللللللللللللللللللل له
قصه روعه
تسلم يمينك
<<<<<<<<<<<<<<<<<<< مايعرف يجامل صح ؟؟
ههههههههههههههههههههههههههههه
يعطيك العافيه بنوته
تقبلي مروري..
يسلموا يا الغلا نورت ولا تحرمنا من ردودك
بنوتة بتمسكينا بيدنا الا توجعنا .. اله يرحم والديك ,
وها وها هذي العقل وهذي الاشمغة ..طلبناك , لاترديني زعلان ترى ادمنا على ابداعات بنوتتنا .
تصدقين والله انك مبدعة……
استمري تراني متابع اول بأول…..
تقبلي مروري,,,,,,,,,,,,,,,,,,,,,,,,,,,
يسلموا على احلى مرور يا انا وانت من جد فرحني
ردك ولا تحرمنا من ردودك يا الغالي
معاك للنهاية
الله يستر من ذا البدوي
ههههههههههههههههههاي
يسلموووا بنوتة