السلام عليكم …
أحبتي …
أقدّم لكم هذه القصيدة فعسى أن تحوز من ذائقتك ولو بنصيب يسير من الإستحسان
وأيضا ً لا تحرموننا من النقد …
..
ولو قالوا إن السم للحال يبليه = لأسقي أنا السم حالي بيديّه
الحال بعد الهم بالوقت أكسيه = ونفسي بدون الهم ماهي عصيّة
جرّبت أنا الهم مرات أفليه = عل يتفارق بس حاله قويّة
وجربت أنا هالهم لأصحاب أحكيه = وزادوا عليّ الهم لوم وأذيّة
وجربت أنا هالهم بالشعر أبديه = ولقيتها ياخوك ماهي وفيّة
وجرّبت أنا هالهم مرات أسليه = وزادت عليّه فوق زود الخطيّة
لا شك مالي قدرة ٍ في تداويه = هم ٍ بلاني فيه رب البريّة
عساه كفّارة لعمري وماضيه = ويكون هم وذنب فيني سويّة
ومن بعد هذا عندنا شوي تنويه = ويصير يكبر لين ضيق الفضيّة*
يابو العنود وليه تزداد بالتيه = أشغلتني ياخوك من غير نيّة
مابيك ترسم منظر ٍ فيه تشويه = في ريشة ٍ تغريك بطلع البهيّة
في ريشة ٍ تـِـكثر عليك المشاريه = وتصير عند الناس ضحك وزريّة *
وإن كان ماعنيك والفكر تعميه = شيء ٍ عناني غصب ماهو بيديّه
إسمع كلامي زين وأعرف معانيه = فعلك يشابه فعل ثلج برديّة *
عقب الربيع الزين هي روّحت فيه = وصارت مفاليها قفار وخليّة
******** type=”text/**********”>doPoem(0)***********
________
* الفضية : اعني بها الدنيا وواسع إتجاهاتها
* زريّة : هو التهكّم أو السخرية وإلى آخره
* برديّة : هي السحابة التي تمطر البرد فتسحق العشب الصغير من شدته !!
مـــــ رســــــ ى
..
مرسى
صح الله لسااااانك مدد بلا عدد
ولاهنت
قصيدة جميله وكلمات رائعه
استمتعت بقرآتها ..
لا شك مالي قـدرة ٍ فـي تداويـه
هـم ٍ بلانـي فيـه رب البـريّـة
صح لسانك أوخي مرسي
صح لسانك
اخوي مرسى
قصيده جميله
ومعانيها حزينه
لماذا كل هذا الحزن
لا عدمناك
تخوي مرسى
ودام لنا نبض قلمك
تحيتي لك ,,,,,,
ايها الشاعر الغايب الحااضر
صح لساانك وصح كلك
"مــــرســــى"
ابيات جميله بجمال الهم الذي اعتدناه والفناه
رغم ان بعض الابيات لم اصل لمغزاهـ !
/
واسمح لي ان اضيف بعضا من ابياتي
هنا
لانها تحمل القافيه
رغم انها ضئيلة شعريا قياسا بابياتك
 |
 |
|
| شاعر أصيّــل كيف باللهّ ابى اقواك 000وأوزان بعض الشعر تخفى عليّــه يا الاجودي ربي يزيدك ويحماك000واسـلم سلمت من كل عيب وبليّـه حاولت أجاري بعض نظمك ومغناك 000وعجزت أنا والعذر واللّه ليّـــه |
||
 |
 |
سلمت وسلمت شاعريتكـ من الهموم
كل الود
صح لسانك اخووي
اعجز عن الرد في جمالية هذه القصيده
لاعدمناك
دمت بخير
لا شك مالي قـدرة ٍ فـي تداويـه هـم ٍ بلانـي فيـه رب البـريّـة
عساه كفّـارة لعمـري وماضيـه ويكون هم وذنـب فينـي سويّـة
صح السانك مليون ولايكفون
رائع جدا
قراءتها اكثر من مره
يعطيك العافيه
وبانتظار روائعك
تحيتي
بدر الليل
شاكر حضورك فلا تحرمناه
طير النهر
صح بدنك أخوي طير
شبيه الورد
هلا فيك وأهلا ً بإطلالتك
والمعذرة على جو القصيدة , لكن …
ماباليد حيلة دام فرقاه مستحيلة قلنا بالقصيد لعلها تخفف شوي علينا …
ممنونك اخوي شبيه
مهرة الشمال
أولا ً مشكورة على التعديل وحذف الجمل اللي كانت بأسفل توقيعك !!
وثانيا ً متصفحي كله فخر بحضورك
وثالثا ً مشكورة على الأبيات وترى أخوك مرسى بعد جاهل ببحور الشعر ولا يميز بين المسحوب أو المتقارب بالحيل أعرف الهجيني عيني كلنا يتعلم من الثاني فلا تحرمينا من إضاءاتك بعض عتم متصفحي
..
مرسى
نزلت رائعه من روائعك كالمعتاد
اول مادخلت هالقسم وشفت مشاركه لك
قلت بسم الله عليه هالرجال كلماته دايم روعه
ومثل ماقلت قبل يعجز قلمي عن مدح لشخص مثلك
لاني اخاف امدح اطلع برضو مقصره
مرسى
ابيات في قمة الذوق والروعه
ابيات من بداية ابياتها احس ان فيها رجى
فيها شي ماثر في النفس
فيها شي غريب ماعرفت اوصل له
واكيد مااقدر اوصله دامك انت الي كاتبها
مرسى
تقبل اعجابي بما يحتويه عقلك من كلمات قد يعجز فكري البسيط من الوصل الى
محتواها
لك احلى تحية من ماسة شفافة
عين الضبي
مشكور حضورك الحاني على متواضعات ما اطرح
متصفحي كله إمتنان لذلك
الثريا
أحمد الله انها راقت لذائقتك اختي ثريا
وما هذا سوى حافز لمنهم على شاكلتي ممن يحاولون تصوير شعورهم بشعر منظوم
أنا كلي إمتنان لحضورك فلا تحرمينا ذلك
..