صباحي بدونك ميت الاحساس

السلام عليكم ورحمة اللله وبركاته……..

صباح الشوق واللهفه صباح الحب والاحساس

صباح ما نطق به معشوق قبلي لمعشوقه

صباح لك اخترتك من بين كل الخلق والناس

يجي متعني لاجلك يزف الحب وينثر عطوره

يا اجمل من سكن قلبي ولبسه احلى لباس

تفاخر بك حنايا الصدر لا جيت لقلبي تزوره

يا ورده تباهى بحسنها اللي ما له قياس

انا اشهد ان كل ورده عقبك تمنت تكون مقطوفه

صبحي على اللي تعذب بالهوى وانحاس

اللي سمع صوتك وعاش العمر بحزونه

يبي منك ولو كلمه ترد الروح والانفاس

ترد العاشق اللي طغى حبك عليه وزود جنونه

صباح مرصع بالجواهر ومعقوده الالماس

يشتهي جيدك ويتمنى يكون ملبوسه

يا من جمال الكون غدا من خدها نبجاس

اميره وكل الناس من زينك غدت مبهوره

يا ليتنا مع بعض ويداعبنا من الهوى نسناس

وينثر على وجهي جدايل شعرك الموفوره

ويصيبني من مبسمك على شفاتي انتهاس

واذوب على خد ماخذ من الورد لونه

معك عرفت الحب عرفت اعيش بلا حزن ويأس

تعالي قربي يمي وريني الحب على اصوله

تعالي وبلمسة كفوفك شيلي من جيدي الفاس

فاس الشقى والحرمان والهجران وطعونه

تعالي وتعالي ابني معي حبك ساس على ساس

نبني قصر حب ونخلي الشوق والعشق سوره

انا بغيابك اذوق المر كاس ورى كاس

وفي قربك اشوف ان الفرح بلغ اخر حدوده

لاجلك اعيد الحرب اللي بداها غدر جساس

واخلي سبايبه رمش عينك وسهومه

يا من شغل فكري خياله وطيفه المياس

يا حلم قلبي وسناه واول واخر دروبه

يا جوهره مكانك يا حياتي هامت الراس

يا بعد عمري وهنى بالي ونور نوره

منزلك وسط قلبي وضلوعي الحراس

انتي اغلى من تمنت عيني تشوفه

انا من يرتجي منك عطف يلتمسني التماس

ويشمل الروح من عطفك زين ملموسه

من شافك يا حياتي يفوق ولو به نعاس

يقتل النوم والتعب وسيوف السهرمسلوله

حبك راس مالي وان غبتي عني بأعلن الافلاس

يا من ملك خافقي وعمري وذاتي بلحن صوته

مهما حكو لك عني العذال وبعض الانجاس

لا تصدقين كل حكي يقال مكذوب قوله

انا اخترتك من بد كل الخلق والناس

احبك يا ملاكي وانا لك روح مرهونه

حبك يا جنون الشوق وسط القلب نبراس

ابصبر وباقي على وعدي ولا يمكن اخونه

يا زين اسمك يوم اني اكتبه على كل كراس

واخليه عنوان قصيدي وكل مضمونه

وان نويت الرحيل وتركي يا اغلى الناس

ذكراك وسط القلب يا الزين منحوته

تعال وداوي جروح قلب المغرم المحتاس

قلب تعلق في هواك غدى سجين ظنونه

انادي الشعر وحبل الافكار عقبك غدى نكاس

ما قوى ينظم الشعر ضيع اوزانه مع بحوره

تعالي وزوريني مع طيفك بكل هوجاس

اموت فيك وليت روحي مع روحك ملزومه

انا بودعك وببقى اسير الهم وحزني الحباس

وعساك بكل عام الخير والهنى ترومه

عساك على عرش السعاده دوم جلاس

وانا خلني ابكي واروي الارض بدموع منثوره

صباح الشوق واللهفه صباحي بدونك ميت الاحساس

صبح على العاشق اجمل صباح يا معشوقه

كلمات/شـــــــــاعرأهــــــــــــــات