السلام عليكم ورحمة الله وبركاته
أجيلك يابحر شايل هموم(ن) تخنق العبرات
————————- ألا يا بحري الهايج أنا همي لك اعطيته
طلبتك تاخذ همومي تعبت آكفكف الدمعات
————————- تعبت آعيش في دنيا خذت كل اللي جنيته
أنا امي وبوي اللي غلاهم بالحشا والذات
————————- أحبهم حب يتعدى غلا كل شي حبيته
خذاهم يابحر عني خذاهم موتهم بسكات!
————————- خذاهم يابحر ليته خذاني الموت ياليته
بغيت آموت يوم أسمع ترى بالحادثه أموات
————————- أبوي اللي رحل عني وأمي هي معاه ميته
يقولون البقا براسك ترى ماتفيدك الدمعات
————————- ونا مالي سوى دمعي يداريني .. وداريته
نعم راحوا وخلوني مابين الهم والآهات
————————- مابين الشوق والحسره اذا هلبيت مريته
بعدهم اختفى نوره بعدهم كل شي(ن) مات
————————- بقى عطر الثياب اللي بكل لوقات شميته
فقدت أنا حنان أمي فقدت الضحكة والبسمات
————————- وطيبة هالأبو اللي بكل لحظة تمنيته
أنا من لي بعد أمي تخلي ضيقتي ضحكات
————————- ياكيف انسى الألم هاليوم إذا حتى تناسيته
أنا أمي تخليني على صدر الدفـا آبات
————————- وبوي اللي إذا شفته ركضت وحيل لميته
يبه..اسكت ، يرد:"لبيه" ابد ياولدي قل بس هات
————————- اطلبه يبتسم لي "سم" حشى اني ماترجيته
أنا من بعدهم كلي ألم غربة وألم ونات
————————- بعدهم صارت أيامي عذاب(ن) ماتمنيته
وغابت بسمتي معهم بعدهم عايش بظلمات
————————- يذكرني بهم كل شي وانا كل دمعي هليته
انا من لي في هالدنيا سوى الهموم والحسرات
————————- سوى جرح(ن) تعداني ولكن ماتعديته
الا يا بحري الهايج الا يا منزل الراحات
————————- طلبتك تاخذ اهمومي..بعدها القلب شافيته
وانا ل هالسما رافع ايد(ن) تطلب الرحمات
————————- وادعي ويا عسى الله يستجيب اللي دعيته
وعسى بالرحمه يرحمهم..جعل مثواهم الجنات
————————- وانا اب موجي الهايج خذيت الهم وطويته
وسلامة قلب من تابع ولاهان ناظره
السلام عليكم ورحمة الله وبركاته
ابيات قمه في الرووووعه
اختيار لايختلف عليه اثنين
يعطيك الف عافيه
احترامي
وعليكم السلام ورحمة الله وبركاتة
قصيدة جميلة بكل مافيها تأثير رااائعة يالمعــاند
اللهم لا تحرمنا أجرهم و رضاهم الحي منهم والميت
دمت بحفظ الرحمن
لك منى خالص التقديـــر والاحترااام
والديكم الجنه لاهنتوا على راسي والله
يسلمو يالغلا..كلك ذوق يا معاند نرجو المزيد من هالابداعات
يعطيك العافيه
والديك الجنه ولاهنتي على راسي والله