تفننت بغرامك والغلا هو سيّد فنونك

,,

وش اللي صار فالدنيا ليا ناظرت بعيونك
انا في حلم والاعلم!!.. اليا شافتك عيني

,,
غرقت فموج بحرك ماوصلت لسر مكنونك
تساهلتك مع انك صعب وانت اللي معنّيني

,,
عشقتك من ضمير ما يساوم فيك ويخونك
رغم كل الظروف اللي تجي مابينك وبيني

,,
وعاهدتك عهد ماغيرك احد يقرب حصونك
معك طال الزمن والاّ قصر ياشمعة سنيني

,,
عسى الله مايوريني فراقك واعطش مزونك
تحريتك تجي في يوم تنعشني وترويني

,,
عليك الله وأمانه كيف اعيش العمرمن دونك
وانا اللي لا تذكرتك نسيت اللي يحاكيني

,,
( أحبّك ) كلمة تكشف غلاك وتطرد ظنونك
وترضي خاطرك واللي يجيني منك يرضيني

,,
تقرّب من حبيبك والعواذل لايهمّونك
وانا لا همني غيرك ,, ولا غيرك بيعنيني

,,
مدام انّك ملكت القلب وعروقه يلبّونك
تمخطر بالحشا ( لبّى ) حشاي وكل مافيني
.
منقول