الوصل غايتي ولا القصيـده وسيلـه

يوم سلّمت .. بيّنت الحزن في سلامـي

انتظرت إتسائل : ضيقتي .. ويش هي له

جيت ضامي لوصلك ،، والبلا منت ضامي

الوصل غايتي !! ولا القصيـده , وسيلـه

ليه قلّ اهتمامك ؟ يـا محـطّ اهتمامـي

الصبر من بعادك مـلّ .. وإنهـد حيلـه

ليه تستكثر الفرحـه علـي ؟ وإبتسامـي

عاد من كثرت افراحـي ؟ تراهـا قليلـة

قل لقلبـك تـرى رد المحبـه . إلزامـي

وكان مارد كل الحـب ؟ ربـه وكيلـه

ماهقيتـك ليـا دار الزمـان إنهـزامـي

وماهقيتك ليا هـب الجفـا تنحنـي لـه

التزامـك معـي ماهـو بمثـل إلتزامـي

في الولا والغلا ،، بيـن الخليـل وخليلـه

ساعة مفارقك ضيقة و مشهـد درامـي

… يوم قلبك على فرقاي عـزم رحيلـة

كل ليل آحسب فالصدر كم جرح دامي

لين ما ارقد وهذي حالتي كل ليلـه

كيف أبنساك وأسهى عن غرامك مدامي

كل ماطاح منـي جـرح رديـت أشيلـه

يوم فرقاك …عيّت لا توقّف عظامي

طحت وطاحت معاي الامنيات الجميلـة

من بقايا اهمالـك دمـع بـان بكلامـي

وجرح فالصدر لا يشفى ولا فيـه حيلـه

خذ معك ذكرياتـي والجـروح وملامـي