القصيده لي وارغب بالاستفاده من عقولكم وايضا لأني علي اختلاف

القصيده لي وارغب بالاستفاده من عقولكم وايضا لأني علي اختلاف
مع شعراء بالنسبه لوزنها والقصيده كُتبت على البحر الهلالي وانا وبمعرفتي
المتواضعه اعرف ان الهلالي يزيد عن المسحوب في حرف واحد وهذا ماعملت به
هنا وربما اكون على صواب وربما اكون على خطأ فـ ارجو توضيح الصوره لي

============================================

يقول مـن فكـر وغنـي مثايلـه
وحكـم بعقلـه والتجـارب دلايلـه
قول الذي له بالزمن روحه وجيـه
واخطا وتعلم من خطـاه وعمايلـه
( الرجل ) وان طالت لياليه وايامه
لابد غيره فـوق الاكتـاف شايلـه
وان مات / عند اللي سترنا برحمته
يلقـى محاصيلـه ويلقـى فعايلـه
فاان كان زرعه خير والاجر نياتـه
مجناه / من رب الخلايق فضايلـه
وان كان زرعه شر والذنب منتوجه
مجناه / مـن وال البرايـا رذايلـه
يالله يامجـري رياحـك بقدراتـك
يامسقي العطشان والوقـت قايلـه
يالله ياواهـب حيـاتـي حياتـهـا
رضاك ( مزن ) اتبع بروقه واخايله
ارزقني رضاك وزد النفس تقواهـا
وابعد خطى الرجلين عن كل مايلـه
وان كانني زليت يارب في حاجـه
لطفك / ياربٍ رحمته من خصايلـه
لاشك لي نفـسٍ هواهـا ميولهـا
وابليس معها بالجهـود ووسايلـه
فاانا وان قدرت النفس والا جهادها
ابليـس ساعدهـا وحقـق منايلـه
من بعدها ياللي قريتـوا قصيدتـي
الشاعر الحربي طرت لـه مثايلـه
طرت له بيـوتٍ معانـي حروفهـا
ياخبل من يرضى بواقـع هزايلـه
ومبدأ المثايـل لاقصـدت وبديتهـا
واخذت من شعر القريحه جزايلـه
رجلٍ ماينفع عزوته ( رغم قدرته )
عسـاه فـي نـارٍ توقـد وهايلـه
لاصـار ماينفـع حزامـه ولابتـه
مابه خسـاره لـو جهنـم نزايلـه
ورجلٍ مع الاجناب يذكـر تقاليـده
وينسى سلومه مع قرايب سلايلـه
طيبه صناعي لو له النعـم قالوهـا
بعض البشر واللي بحالـه جهايلـه
ورجلٍ يحقر اقوام من شان لونهـا
والا يقـارن ساسهـا مـع قبايلـه
جاهل بالاديـان وحقايـق عبادهـا
( بلال ) ربي مانشده عن حمايلـه
وختامها اصلي واسلم على محمـد
نبينـا اللـي ماجهلنـا رسايـلـه

============================================

يعطيك العافيه

كلمات في غاية الروعه

لا عدمنى جديدك

تحيتي لك ,,,,,,,,,

الله يسلم الايدي اللي كتبتها
كلمات جدا رائعه
تقبل مروري