اشعار فهد بن مساعد , اجمل ابيات الشعر فهد بن مساعد ، ابيات شعر روعه

اشعار الشاعر فهد بن مساعد , اجمل ابيات الشعر فهد بن مساعد ، ابيات شعر للشاعر فهد بن مساعد روعه

الشاعر فهد بن مساعد*

‏ان سولفت لي قلت ياليتني حرف،
وادوّر أكثر حرف ينعاد ذكره،
وان سرّحت بأفكارها وأبعد الطرف،
أقول لا *.. ياليتني كنت فكره
…

بكره تزين ويرجع لغصنه الطير*
وترجع لوجهي ضحكته وأبتسم لك*
أنا بخير وقلبي الليله بخير*
ما دامك أنت بخير يا أعز ما أملك

لا تسألين الطريق لوين ياخذنا،،
امشي وزيدي جمال الدرب في جهلك..
صوت المطر من ظلام الليل ينقذنا،،
هاتي يدك في يدي وامشي على …

ازعل من غيابه واذا قال : *ماأشتقت ؟!
أنسى الزعل ويبان في وجهي الشوق

لو جلسنا هناك عادي
وعادي لو نجلس هنا
قلت لك احلى الاماكن
أي مكان يضمنا
الأماكن ذكريات
مثل عطر واغنيات
مو مهم تكون حلوة
المهم تبقى لنا

مسامحك والله ولا يوم شكّيت ،
*أنك بهالغلطة تبي لي مضرّه ،
*من قبل هالمره ولا مرّه أخطيت ،
*وشلون أبزعل منك لا أخطيت مرّه ؟*

على بالي وش اللي جابك الليله،
أنا الليله ذكرتك رغم نسياني،
عبر وجهك وأنا ناسي تفاصيله،
مثل مطلع لحن تايه عن لساني

هذا وأنا اللي طول هالعمر شاريك ،
سمعت كلمة في رفيقك وبعته ؟! ،
أنا لو أصدّق كلام العرب فيك ،
ياما سمعت أكثر من اللي سمعته

لاهيب لاصدفه ولا حتى قبول ،
سرّ المطر في اللي يخبّيه الغمام ،
غيري يدوّر في الكلام اللي يقول ،
وأنا أدوّر وش بخّلي من كلام

ياليت لك قلبين في جوفك ،
وأعيش في القلبين وحداني ،
قلبٍ يدق إن جيت بأشوفك ،
وقلبٍ يدق إن جيت تنساني

أمشي خفيف ونسيم البعد يلفحني،
ياخوفي أنه حصل لي ماتمّنيته،
يامادحي بالوفا لاعاد تمدحني،
الظاهر أني نسيت اللي تناسيته

*من جلسنا والبحر يبعد ويقرب،
وكل مايبعد شوي تعاتبينه،
كنت مستغرب عتابك بس الأغرب،
أنك تسوين شي وتكرهينه

لا حبك اخترته ولا أخترت فرقاك،
الحب صدفه والفراق اختيارك،
بس اذكر اني أخترت في مره انساك،
ولقيت كل الذاكره في انتظارك

" صـدفـه "

الشــوق مــالــه عمــريفنــى وينعـــاد
لــه في الضلـوع إن عاد وان غــاب رجفه

مع كل فرقا لـه ورى الجفـن ميـلاد
وان مـاتت الفرقا لقـى الشـوق حتفـه*

جيت أقتل الفرقـا مـن بـلاد لـبـلاد
مـلّ الطريـق يشيلنـي فـوق كتفـه*

وأنا بعد مليت مـن كثـر مـا أرتـاد
هالشارع اللي كان لـك فيـه شرفـه*

تظمأ عيوني شوفك وتشبـع سهـاد
عيّا الزمن يقطـع ظماهـا بـرشفـــــه

لاوجهـك أسقاهـا ولا ذاقـت رقـاد
ماغير طيفـك طيفـك اللـي أعرفـه*

كنّه ظبـي وعيونـي ظـلال صياد
يجفـل قبـل يرتـد للجفـن طـرفـه*

مشكلته أنه كـل مـا أشتقـت يـزداد
حتـى مـلا جـدران وقتـي وسقفـه*

وأصبحت أشوفه فـأول الغيـم لاجـاد
وفـأقصى الشفق لاطاحت الشمس خلفه*

وفي الأرض لانامت عقب صوت رعـاد
وفي كل شباك ٍ صحـت منـه درفـه*

أتعبت طيفـك لـوم واللـوم مافـاد
ويوم الأمل في شوفتـك مـات نصفـه*

نويت أسافـر عنـك بجـروح ٍ جـداد
وعمر ٍ من أوراق الزمن حان قطفـه*

نويت لكــن جابنـي الشـوق منقـاد
وجابك حنينك والزمن سـال عطفـه*

شفتك تبسّم لـي خجـل مـدري عنـاد
وفي نظرتك شوق ٍ من الظلم وصفـه*

حسيت كني طفـل وعيونـك أعيـاد
ياعيدي اللي لـه ورى الصـدر رجفـه*

سمّ اللقـا صدفـة وأسمّيـه ميعـاد
أنا أنتظرتـك وأنـت مريـت صدفـه*

" تعبت أسولف لك "*

تعبت أسولف لك وانـا مـا تكلّمـت
أسكت أنـا وأتـرك عيونـي تكلّـم

لاتفهم احساسي ولا تفهـم الصمـت
مدري وش أسـوي علشـان تفهـم

ودي أقول فـيوم كم فيك أنا همت
لكنّي خايف خايـف أقـول وأنـدم

كل ما بغيت أقـول أحبـك تلعثمـت
حتى وأنا أحلم فيـك كنـت أتلعثـم

كم ضقت منك وكم عشانك تبسمت
الله هو اللي بس فـي حالـي أعلـم