استاذنـك بسافـر أيـام واجـيـك
وان طالت ايـام السفـر لا تحاتـي
حتى ولـو طولـت مانـي مخليـك
ياللي بدونك ويـش تسـوا حياتـي
تامر على حاجـه بودعـك واليـك
عسى عـوض الأيـام فالمقبلاتـي
حتى يـدي ماودهـا تفـارق يديـك
ساكت وانا اشوف البلا في سكاتـي
ماشفتني لا رحت منك التفـت فيـك
بـلاي والله روحـتـي والتفـاتـي
لكن قبـل مـا اروح ودي أوصيـك
وانت الوحيد اللـي يقـدر وصاتـي
لحدن سألك وقال لك ويـن مغليـك
قل لـه لـوازم لا قضاهـا بياتـي
وأن طروا النسيـان مانـي بناسيـك
يـاراس مالـي فالحيـاة وغنـاتـي
وان طروا السلوان مانـي بساليـك
طيفك معي حتى وانا فـي صلاتـي
قلبي وهو قلبـي إذا مـر طاريـك
لولا ظلوعي كـان عـزوا مماتـي
لو جض صدري كان يمديـه ياتيـك
ويبـات عنـدك ويهنـا بالمبـاتـي
أنا..وقلبي..والغلا..ساكـن" فـيـك
وانته..وقلبك..والغلا..وسـط ذاتـي
غلاك مثل الحكـم عنـد المماليـك
أكبر طموحي…لا…كـل أمنياتـي
شف في غيابي أي حاجـه تسليـك
لني بعـدك أسلـى مـع ذكرياتـي
أحـاول اذكـر أي شـي" يطريـك
واقول هو سـوا وانـا ذي سواتـي
كني مـوادع كـل شـي" حواليـك
وكني حسبت حساب حزت وفاتـي
أحب لني ما اقـدر انسـاك وأبيـك
ولا اقـدر أخليـك ياللـي تحاتـي
معنى أحب…ومااقدرأنسى…وأخليك
يعني بدونك ويـش تسـوا حياتـي
صراحه تحيه جميله لكاتب القصيده تحياتي
يسلموو خيووو وصح السانك
على مانبع به قلمك من تالق وجمنال ا طرحت من ابداعاتك
كاس كاكا
الاجمل حضورك
ومشكور على المرور
تحيتي
العنود
صح بدنك
والروعه في حضورك
تحيتي
اسيره الاحزان
ياهلا فيك
زاد من جمال موضوعي حضورك
تحيتي
صح لسانك وسلمت يمينك ودام فكرك
ماشاء الله من اروع ما قرأت حقيقة وليست مجاملة
أنت مبدع أخي الكريم ننتظر جديدك فأنت حقاً مبدع
أخي الكريم تقبل مروري المتواضع ،،،،،،،، دمتي بود كما تحب
رعــــــــــــــد
يسلمووورعد على مرورك
وزاد من جمال الموضوع حضوورك