يُمَـه يقولـون عشـق البنـت "مـو عــادي"

يـمَـه ذبحـنـي بـغـلاه … وطبـعـه الـهـادي
هو صاحب الفضل في هالعشق … والمنة
مــدري انــا البـاديـة … والا هــو الـبـادي
بــس المـهـم الـهـوى فـيـنـا غـــرز سِـنــه
والله يا حضنه حضـن … وشفاهـه تنـادي
وجـــوارحـــي كــلــهــن يُـــمَـــه يـلَـبِــنــه
يُــمَــه وربــــي انــــا مــالــوم حــســـادي
ادري بــهــن حــاولــن بـالـكـيـد يـغــونــه
وهـو يتحمـل غثـاي … ويعـشـق عـنـادي
يمـوت بـي مـوت وغيـري مــا درى عـنـه
يُـمَــه تـمـاديـت بـــه والـقـلــب مـتـمــادي
ومـشـاعـري ضـيـعـن قـلـبـي … وذلــنــه
مـن قبـل اعـرفـه وقلـبـي بالـهـوى غــادي
وعقـبـه عـرفـت النعـيـم وريـحــة الـجـنـة
انـفـاس صــدره اذا فـاحــت زهـــر كـــادي
اقـــرُب مـــن شـفـاهـه الـحـلـوات وآكـنــه
ادري الهـوى شيـن … لكـن ربـي الهـادي
يمكن يجي يوم وانسى … بـس مـا اضنـه
شـابـت عيـونـه عـلــى فـرقــاي وبـعــادي
وذابـت حوايـف خصـر سلمـى مـن الحـنـة
اقول خذني " من الوادي … الى الوادي "
ويـقـول بـــس اركـــدي واجـيــك بالـسـنـة
وركــدت يُـمَـه … ولـكـن طَـــوّل ركـــادي
مـتـى البشـايـر يـجـن قلـبـي يهـزنـه …؟!
اقـلـق مـزاجـي هــواه … وعـكـر رقـــادي
وعـــروق قـلـبـي مـــن الـنـشـوة يـحـزنـه
افــز مـــن عـــز نـومــي بحـلـمـي انـــادي
اوِن بإسـمـه … وتـرجــع لإذنـــي الـونــة
اللي عشق غيـر خلـي … بالهـوى غـادي
واللـي عشـق غيـر خصـري … بايـخٍ فنـه
يُمَـه يقولـون عشـق البنـت "مـو عــادي"
والا الولد لو عشق يمكن يجـي منـه …؟!