يآ حبيُب الروح عود لا تغيب

الفضا فاضي وانا جوّي كئيب
الحروف فْياض والذّكرى سَبب

ضمّت اوراقي احاسيس الغريب
لا احْتواه الليل مع بلّ الهَدب

بذرة احلامي لها أرضٍ خصيب
امْتلى فكري وحظّي ما انْكتَب

كَم رسَمت انّا على الأرض القريب
نملك افراح السّحاب اللي انسَكَبْ

بَهذلة فكري على " يْودّي ويجيب"
شتّتتْ خاطر تعـــنّا وانسلَب .!

امتلى الصّادر وهالوارد عطيب
الوصل جافي وانا كفّـي تَعب

كل مافيني ينادي " يالحبيب ..
كل مافيــني تمرّغ بالعتَب "

وان بقالي كلمتيـن بْيا نصيب
بكتب آخرْها عسى يرجع ذَهب

مع سكون الليل كل ذكرى تطيب
وانت صبحي والمسا فيك انوَهَب

بحتري طيفك على كرسي المغيب
ثم آخيلك دااااني ابْغصن العِنَب

وانتا يا رمحي تهادى لا تصيب
صاحبك هلكـان وقليبه تعـب

بعثري يالرّيح دمعات النّحيب
وامطريها مااء في كل الشّعَب

بلّغي النّجمات أوصاف الحبيب
لا مشى ع الأرض تتشكّل لهَب

منّي فيه احساس لا يمكن يخيب
اللّقا حاضر ومحبوبـي اقتَرَب .!