طمنــــي عليك .

:

:

يا الغــايب اللي غابت سنيني معاك
يا جعل ما جاني من الفرقى يجيـك..

أستغفــرالله! جعل ما جاني فـداك
حــتى لو أن نهــايتي..على يديـك..

مسامحك..واللي بـ/قوله في قفـاك
خيرك كثير..ويرحم الله والديـك..

ما صار شي..إبلا رضـاي إلا رضـاك
اللي مهو فيني وأبيه ألقـاه فيـك..

كنت السما فـ/عيني..و..عيني سماك
كــانت حيــاتي كلها منـك وإليـك..

كنت بـ/يديني مير..مـدري..من خذاك
حسبي على تقصيري وحسبي عليك!!

علمتنـي..وش الحيــاه من الهــلاك
في مـوادعك هذا..وفي جيّتك ذيك..

يا كيف أبلقى شخص يسـواني سواك؟
كل ما نويت أنهيك في شخص أبتديك!

أبدى أقــارن مستــواه بـ/مستــواك
وأخاف لا تزعل وأبيعـه وأشتـريـك..

والمشكله: رغم محبتــك وغــلاك
وإني رغم كل شي مشتــاق وأبيـك..

ما هوب من حقي يضايقني جـفاك
ولا أعشقـك ولا ألمحـك ولا أحتريـك..

لكن ما يخفـاني ولا أظن يخفـاك
حـقي عليـك..أنك تطمنـي عليـك..

:
:
: