ولا ابي تسمع عتابي ولا انا اسمع عتابك
تنرفز طحت من عيني وبلا كثرة حكي واعصاب
لي اعصابن اذا ثارت تحطم تالي اعصابك
كثير القبلك وعافو من اجل تافه اعز احباب
وهذا انته مثلهم جيت تضحي باغلى احبابك
أنا متغيرت فجأه التغير صار له اسباب
لي اسبابي وانت تدري وجبتلي بالي اسبابك
اذا ترحل ابي تكفى تسكر بالطريق الباب
وإذا جيتك انا في يوم ابيك تسكرابوابك
انا ما فكرت في يوم توطيلي طرف وارقاب
لاني شامخ براسك وشموخي كان لارقابك
وعمري ما اختبرتك يوم وسمعت الذم فيك وعاب
وكلامك هذا فيني الحين ترى يازين من عابك
خبرتك بالمضى انك فلا يشغلك عني غياب
وكنت مثلك انا بالضبط فيك اموت واحيابك
وكنت متشوف غيري صح جميل وفاتن وجذاب
لكن للاسف لهناك رحلت وزال اعجابك
وقلبك كان في كلمه اذا يسمعها مني ذاب
وكنت تذوب اذا تسمع غزل من عندي بثيابك
ذكرتك يوم مغرم بي وكلك في غرامي شاب
ذكرتك حين عني رحت ونويت تطول غيابك
ولافكرت في جرحك وجرحي لو ذكرتك طاب
وكنت كلي فدا عيونك فدا رمشك فدا اهدابك
وكنت كل يوم اتعذب وألاقي صدك بترحاب
وكنت يازين ترحابي وكنت ياشين ترحابك
شسوي هذي الدنيا وطبعك يالهوا غلاب
ومنت راضي بحبي لك ومع ذلك ارضا بك
وتجيني بآخر اللحظات مكشر للغدر أنياب
يخي ارحل ترى موتي بسبب غرزات انيابك
اظنك حيل متمادي ولا حسبت لي حساب
ضميرك ارضى به عني يصفي تالي حسابك
تصاييبك عطيبه حيل واخرها يجيني صواب
ابد ما اقولها والله عسى ما صابني صابك
أقلك روح دام اخترت واتركني مع الأغراب
خليني مع اغرابي وانت مبروك اغرابك
انا مو طبعي الغيبه واعرفك زين من تغتاب
لساني اقطعه بيدي اذا ماراد يغتابك
انا ما اطيق انطقها السخافه وكلمة الكذاب
ولا ابي العب بساحه لطيفه وفيها العابك
اذا انت غبي صدّق انا ظني بذكائي خاب
وإذا انت ذكي مبروك عليك لمة اصحابك
انا منك جنيت الطيب وطيبك يا حسافه جاب
عسى الله لايرد طيبك وعسى الله عندي لاجابك
تغيرت بصراحه وطحت من عيني وبلاش عتاب
ولا ابي تسمع عتابي ولا انا اسمع عتابك
الكناري
يونس الجبوري
5/2/2010
تحياتي….
وااااااااااااااااااااااااااااااااااااااااااااااااا او
رائعه رائعه رائعه …
ما يحتاج اعلق او اقول اي شي ..
من جد قصيدتك اوصلت المعنى والمشاعر والقصه ..
وخلتني احس فيها قبل ما اقراها ..
وبمجرد ما دخلت في البيت الثاني .. عشت الجو 
وأعجبني بشده هالبيت :
انا مو طبعي الغيبه واعرفك زين من تغتاب
لساني اقطعه بيدي اذا ماراد يغتابك
اهنيك من كل قلبي … على ابداعك وموهبتك ..
ودايم بانتظار جديدك … 
كلماتك قطرات من الشهد
تصبها على العاشقين
فتغرقهم بالحنين
عزيزي كناري
بوح جميل رائع
كعبير وردة صباح ندية
كانت كلماتك جدا نقية
سعدت بالمرور بها والارتشاف من عبيرها
امنياتي لكـ بالتوفيق
ودمت بكل الخير
امــــل
هلا
اخوي
الجبوري
شكرا لك على القصيدة الجميلة
اتمنى لك مستقبل ادبي مشرق
تحياااااتي
روعة وابداع شاعرنا المميز
تسلم اناملك ياعسل
تحيتي
|
المشاركة الأصلية كتبت بواسطة سحاب الشوق
 وااااااااااااااااااااااااااااااااااااااااااااااااا او
رائعه رائعه رائعه … ما يحتاج اعلق او اقول اي شي .. من جد قصيدتك اوصلت المعنى والمشاعر والقصه .. وخلتني احس فيها قبل ما اقراها .. وبمجرد ما دخلت في البيت الثاني .. عشت الجو وأعجبني بشده هالبيت : انا مو طبعي الغيبه واعرفك زين من تغتاب اهنيك من كل قلبي … على ابداعك وموهبتك .. ودايم بانتظار جديدك … |
شكرا لمرورك العطر في متصفحي المتواضع
سعدت جدا بهذا الحضور المتميز
لاعدمنا طلتك العذبه
تحيتي لك
|
المشاركة الأصلية كتبت بواسطة امل
كلماتك قطرات من الشهد تصبها على العاشقين فتغرقهم بالحنين عزيزي كناري بوح جميل رائع كعبير وردة صباح ندية كانت كلماتك جدا نقية سعدت بالمرور بها والارتشاف من عبيرها امنياتي لكـ بالتوفيق ودمت بكل الخير امــــل
|
شكرا لمرورك المتميز والرائع
شرفتي متصفحي
لا عدمنا اناقة ورقة حضورك
طال عمرك
تحيتي لك
|
المشاركة الأصلية كتبت بواسطة سام سام
هلا
اخوي شكرا لك على القصيدة الجميلة اتمنى لك مستقبل ادبي مشرق تحياااااتي |
سام سام
تشرفت بحضورك يالغالي
لاعدمت هالطله الحلوه
لك فائق تقديري
وارق التحايا
|
المشاركة الأصلية كتبت بواسطة امير الذوق
روعة وابداع شاعرنا المميز
تسلم اناملك ياعسل تحيتي |
امير الذوق
مرورك الانيق اسعدني جدا فهو مع مرور من سبقك ومن يليك نيشان فخر اعتز به
لكم احترامي ولكم عظيم شكري وفائق تقديري
ولشخصك الكريم
ارق التحايا
كعادتك تتحفينا بالروائع
رائعه حد الثماله
تسلم ايدك وصح السانك
اخي الكناري