أمثال شعبيه مصريه _ أمثال زمان تجميعى

أخد ابن عمي و اتنشر عليه بكمي و آخد ابن خالي و اتنشر عليه بشالي

عمر الأسى ما يتنسى

على ما تكحل العمشة يكون السوق خرب على ما ييجى الترياق من العراق يكون الملسوع فاق

العيش مخبوز و الميه فى الكوز

الفار المنمرد من نصيب القط

فار وقع من السما قال القط : اسم الله قال له : سبنى خلى العفاريت تاخدنى

قالوا : حماتك تحبك قلت : دا كان زمان و بنتها عندها يا ما شيعت نسوان لما جرى اللى جرى و المقدر كان صبحوا يقولوا عليه دا حرامى و بيسرق الكتان

قالوا للمسمار مالك نازل تزن قال من كتر الدق على دماغى

قول له فى وشه و لا تغشه

قال يا غراب ارمى لى بلحة رد الغراب و قال : كل شئ نصيب قال : طيب نصيب ليه و كل شئ بين ايديك ؟

قالوا للديك صيح قال : كل شئ فى أوانه مليح

الغنى شكته شوكة قامت البلد كلها بدوكة و الفقير قرصه ثعبان قالوا كان فين داير محتار

عمر المرة ما تربى عجل و ينفع

عشانك يا سلفى لا جيب تراب و اغمس فلسى قال لها ان شاء الله تعمليه دكان يا معفورة النسوان

العرق فى التدريب يوفر الدم فى المعركة