صدقني كنت أحسب الدنيا من اول خجوله
وإن لون الحب وردي وضيقة أيامه وسيعه
وإن ذكر الناس باكر مثل أول ماحسبوله
وإن حلم الناس هم وزود حرمان وقطيعه
وأحسب إن الهم لحن ماعرفت شلون أقوله
وأحسب إن الهم شاعر حروفه تطيعه
كنت أحسب الشمس ضيف أفز له لحظة وصوله
لجل أحايل غفوة امي وألمسه لمسه سريعه
مادريت الزيف كايد يقتله قلب يطوله
يحرق النور بركاده لو هي حصونه منيعه
مادريت الشعر خافق ينتثر لحظة ذهوله
ينتشي دمع تمادى حزن من أقفى ربيعه
كان ذا جرح ٍ وهين ..هين اللي لك اقوله
كل بوح ٍ في ضميري مات وأطواره رضيعه
يا أنا يللي وقفت بكل معنى للطفوله
عامي الثاني ولى ماغدت والله وسيعه ..
كلمات جميله ورائعه ذات احساس مرهف ورقيق
اهنئك على هذا الأحساس الجميل وعلى هذا الأسلوب
الرائع في الطرح واعجبتني تلك الكلمات:
كنت أحسب الشمس ضيف أفز له لحظة وصوله
لجل أحايل غفوة امي وألمسه لمسه سريعه
فيها من الجمال الكثير الكثير .
دمتي سيدتي
هلا
اموره
بجد ابداع وابياات لاتوصف عذوبه
تسلم ايدك ياسكر