قول آسف !!وآنا قبل الـ بـضمّك بس قلها

قول آسف ..!!وآنا قبل الــ ( آآ ) .. بنادي ليل بردك .. وأسهره ..

قول آسف ..!!وآنا قبل الــ ( آآ ) .. بطيّر كل ضلع ٍ من مكانه ..

عاد .. تدري ..؟
أنت أصلاً ما خطيت ..
بس محبوبك .. يدوّر لإعتذارك ..
لـ إنتثارك ..
وسط روحه .!
مثل سبحه ..
لا تنفس .. سبّحت .. أغلب جروحه .!

قول آسف ..!!لجل يفزّز كل عطر ٍ من ثيابك ..
لجل يحس .. بشي منك ..
شي يحرق !
شي مثل البحر يغرق ..
شي ماله .. أي داعي ..
شي ماله .. أي صرفه ..!
بس قلها ..

قول آسف ..!!وآنا قبل الــ ( آآ ) .. بسامح ..

أمس شافوني وغابوا ..
مدري غبت وشوّقوني ..
جرح أكبر من خيانه .. وأبتسمت
ماهي كل الناس خانت .. يعني بتوقف عليك ..!!
ماهي كل الناس عانت .. يعني بتوقف عليّ ..!!
والله عادي ..

كنت أشم الصبح هذا ..
كنت أضم الحزن هذا ..
كنت أبوس جروح كفك ..
لا تبادى خنجرك ..
لا توارى في حبيبك ، مثل طفل ٍ من لهيب الشمس هارب ..

ما يهمّك ..
بس خلّك .. في طقوسك
ألف طعنه .. بـ ألف آسف ..
وآنا قبل الـ ( آآ ) .. أبنزف .!

بس قلها ..
وإلا تدري ..
هات ليلك ..
ودّي أجمع ما تيّسر من نجومك ..
لجل بكره ..!! خوف تخفيها .. غيومك .!

وآنا ساهر ..
ما قهرت الا عيوني !
ما نهرت الا جفوني !
دون ما أرمش ..
قال : أرمش !
منهو أصلاً .. قال أبرمش ؟
السما .. وجهك .. وعيني .!!!!!
صرت كلّي ألف .. عين ..

حتى بيديني آشووفك ..
حتى بظلالي آشووفك ..

قلت لك حتى ظلالي !
يعني كان الوضع قمرا
يعني وجهك .. جاب ظلّي ..
كيف أحاول .. واحضنه ..؟؟

خايف أن الغيم هذا يمتحني .. وما أشوفك ..
بس عادي ..!
حتى بالنيّه .. آشووفك ..
بس قلها ..

قول آسف ..!!وآنا قبل الـ ( آآ ) .. بـضمّك ..
بس قلها ..
قول آسف .. قول آسف ..!