أخبي الشعر عـن عينـه أخـاف إنـه يجـي يقـراه
أخـاف أكـدر إحساسـه بحـزن يكسـي إحسـاسـي
دفنت الحزن في قبـر الضلـوع اللـي بكـت فرقـاه
أجـر الآه بـحـروف بكـت فــي صــدر كـراسـي
دموع الشعر ،حرمان المعاني ، همهمـات ، وآآه
جمر هجر، ودموع فراق فـي حبـري وقرطاسـي
أنـا بعـت الخلايـق كلهـا والـنـاس لـجـل رضــاه
لأنـه كـان لـي ربعـي وأهـلـي وديـرتـي ونـاسـي
أحـبـه والله الشـاهـد وهــذا الـبـعـد مـــا أقـــواه
أكابـر وأتظـاهـر بالصـبـر لـيـن إنكـسـر بـاسـي
أنا من لي بعد عينه أنا مـا أبغـي سـوى دنيـاه
أبيـه بسيـف وصلـه يطعـن همومـي وهوجاسـي
بـكـى فــي داخـلـي طـفـل بحـبـه والـوفــا ربـــاه
أنـا وهـذا الطفـل عقـبـه يتـامـى واليـتـم قـاسـي؟
يقول القلب لا تنساه وأقول شلون بس أنساه
أنـا وشلـون أبنسـى مـن غرامـه تـاجٍ لراسـي ؟
هـذاك اللـي أنـا وإنتـه يـا قلبـي لـي أمـر طعـنـاه
هـذاك اللـي بنظـره مـن عيونـه يــورق يبـاسـي
هـذاك اللـي تفـز الـروح ولهـانـه عـلـى طـريـاه
هـذاك اللـي بغيابـه عـن عيونـي أبـعـد نعـاسـي
ياليتـه يرجـع ويـرحـم خـفـوق ذاب مــن فـرقـاه
ياليتـه يرجـع لقلـبـي ويحـيـي مــوت إحسـاسـي
يقول القلب لا تنساه وأقول شلون بس أنساه
أنـا وشلـون أبنسـى مـن غرامـه تـاجٍ لراسـي ؟
الله الله الله صح لسانك ولاهنت
ابيات بمنتهى الروووعه اخوي كافي
يعطيك العافيه وننتظر جديدك الرايق
الله يعافيك اختي جزيره وصح بدنك لاهنتي
تسسلمين على المرور