السلاآم عليكم ..
ياما الفرح مر فـي عينـي وخلانـي
وياما الحزن مر في عينـي وناديتـه
وياما الغلا مر فـي قلبـي وخاوانـي
وياكم بنى هالوله فـي خافقـي بيتـه
ياصاحبي هاك مني دفتـر احزانـي
وأشواق قلبٍ هجره الحـب واحييتـه
ياما غيابـك سكـن فينـي وعنّانـي
وياما حضورك اليا غبتـي ترجيتـه
وياما سكنت الوله والشـوق عنوانـي
وياما حضر طيفـك فبالـي وناجيتـه
ياما وياما رسمتـك وسـط ديوانـي
حتـى مكـانٍ لقيتـك فيـه مريـتـه
اشتاقلـك دفتري..واشتاقـت الوانـي
وياما داعني غـلا غيـرك وخليتـه
الله كتب لي غـلاك وحبـك أشقانـي
وياما لأجل خاطرك هالدمـع هليتـه
لو تسالي دمع عيني صاحت اجفانـي
والدمع ليتـه يجـاوب يالغـلا ليتـه
مشيت دربك..وعشقك يمـك اغوانـي
وانا غويتك وشعـري يمـك اغويتـه
مايـوم طيفـك نسانـي او تعدانـي
ولا انـا قـد نسيـتـه او تعديـتـه
لك قلبي وعقلي وروحـي وتحنانـي
ولي منك..حـب حقيقـي ماتناسيتـه
يالغاليه ..والصديـق اللـي تناسانـي
ابشـرك كـان لـه منـزل وهديتـه
ياما سكن ناس في قلبـي ووجدانـي
وياما لأجل عينهـم خفاقـي اشقيتـه
وياما ارتحل ناس..من قلبي..واشجاني
ماهـو حسافـه رحيلـه ماترضيتـه
يالغاليـه والزمـان اللـي تحـدانـي
ركبت راسي وانا برضـوه تحديتـه
وياما العصافير ..نامت فوق اغصاني
وطـارت ولا شفتهـا..ولا تمنيـتـه
ماهي غريبـه ردي الخلـق يجفانـي
الموت لا من جفاني شخـص حبيتـه!
وش لي بكثر الكـلام وزلـة لسانـي
اللـي جفانـي تـرى والله جافيـتـه
ودام الغلا يعطشك..وإن جيت يرواني
يالغاليه وش نبـي فـي عالـمٍٍ ميتـه
*
//
\
//
اتمــنى تناآل ع الاعـــجاآب.!.
يسلموووو
على رقي الكلمااااااات
تحيتي لكـ
عليكم السلام
سيدي حشيم الطبع
صح لسانك ياغالي ولاهنت كلمات اكثر من رائعه
ابدعت في طرحها وجعلتنا نستمتع بما تحتويه من
احساس راقي ومرهف.
دمت سيدي
ودام ابداعك
ياما الفرح مر فـي عينـي وخلانـي
وياما الحزن مر في عينـي وناديتـه
وياما الغلا مر فـي قلبـي وخاوانـي
وياكم بنى هالوله فـي خافقـي بيتـه
هلا
حشيم طبع
تسلم الانااامل وابيات روعه ياخووي ..
ما هى غريبه ردى الخلق يجفانى الموت لامن جفانى شخص حبيته تسلمون على الردود الرائعه تحياتى