بستنى رجوعك بقالى زمان
نسيتنى حبيبى ولا فاكرنى
بعادك عليا قاسى كتير
بفتكرك يا غالى فى كل الاماكن
اللى شهدت علينا فى مرة زمان
وشافت دموعنا وحست فرحنا
فاكرها حبيبى او نسيتها كمان
بفتكرك يوماتى فى وقت الغروب
وياما شهدت على العهود
بدمى ودمك كتبنا بنودها
بفتكرك فى بسمه بتخطر فى بالى
واسمك معدى باى لسان
واقول يا ترى بيفكر فى اسمى
ولا الزمن بينسى الحنان
بفتكرك فى ورده هديتهالى مرة
شايلاها معايا لاخر الزمان
فاكرها حبيبى وفاكر كلامك
فى لحظه ما شفت فى عنيك الامان
ارجعلى حبيبى انا فى انتظارك
كفايه انا قلبى فى مرار
ورد عليا لو حتى بسلام
أكيد هارد عليكى السلام
وراجع
لما يحل السلام
وألاقى فى يوم ببلدى الأمان
لكن شايلك فى ألبى مكان
مكان للمحبه ومكان للوئام
تعبت انا من سلام بالكلام
لكن حرام
ارجع وكون فى انتظارى الغيلان
أكلوا وسمُّوا الثمار فى الغيطان
بفكر بعقلى لكن مش جبان
وان كان عالبعاد حارقنى كمان
مشاعرى وحنانى تجاهك طوفان
وايه العمل….. ياشمعة امل
وامتى هانرسى لبر الامان
امانى معاك فى اى مكان
خدنى هناك فى الغربه معاك
اشارك فى همك
واهون عليك عذاب البعاد
اوحتى تعالى من غير الامان
مصيرنا سوالابد يكون
سايبنى لوحدى فى دنيا الغيلان
اصارع لوحدى…مش حقدراكيد
وجودك كفايه…يهون عليا ظلم الحياه
ومعاك مش حخاف من اىظلام
صدقنى سوا حنعمل كتير
بس انت تعالى…محتاجهالامان
مشاعرك طوفان !!
بايه راح يفدنى…مدام من بعيد
برىوامانى فى قربك وبس
كلامك شديد
ونارى تدوب جبال الجليد
فاكرانى فى بعدى عنك سعيد؟
انا جرحى بينزف دم وصديد
راجعلك راجعلك
راجعلك نعيد القديم والجديد
وعمر الغريب مايفضل بعيد
ماقبلش ان كلب نقول له ياسيد
مش ممكن نكون لغير إلهنا عبيد
ولما هاجيلك هائولك وازيد
عارفك ياعمرى عزيمتك حديد
وأجرك ف صبرك يعادل شهيد
هانت راجعلك مش هافضل بعيد
نجوز ولادنا ونشوف الحفيد
يمكن يغيَّر ويمكن يفيد
ويخللى بلدنا خيرها يزيد
لكن بشرط
مايروحش لبعيد
اتمنى ان تعجبكم