كل القبائل في قصيدة

يالله يا خالق أراضين وبحــــــــــار….
الواحد المعبــــود رازق عبيده….
الخالق الغفار علاّم الأســـــــــــرار….
وفرق شعــــوب الأرض في كل يده….
وابدي واسولف من عذيبات الأشعار ….
أبيات شعر والمعاني وكيده….
اشري وأبيع واعرف كيف بختار….
واختار من جزل البيوت الفريده….
وذكر تراث وعز وأمجاد وافخار….
قبائل تومن بدين و عقيده….
وصلت حضارتنا على سطح الأقمار ….
ابنا الجزير والجزيرة مجيده….
في ظل حكام لهم فعل واشوار ….
آل السعود اللي تفك الضهيده….
نسل الزعيم الحاكم العادل البار….
مجدد أمجاد الجزيرة بجيده….
وصارت لأبو تركي بطوله وتذكار….
والفخر والأمجاد تبقى شهيده….
وخلف لنا أملوك لهم فعل وأخبار….
الشعب واحد والقيادة رشيده….
والأمن بانينه على ساس وجدار….
وقرو على العابث عقوبة شديده….
وحنا حماة الدار من كل غدار ….
وما همنا بطشه وخبثه وكيده….
قبائل ما لقناهم أو عار ….
وعشنا بهذي الدار عيشه رغيده….
والحمد لله نحمده سر واجهار ….
شعب تكاتف من سنين مديده….
ودون الوطن جيش على كل معبار….
لا رفرف البيرق و نادى عقيده….
بشرق البلاد وغربها دوم حضار….
وارض الشمال اللي نفوده مديده….
وارض الجنوب اللي تخيضر بالأشجار….
جزيرة فيها القبائل عديده….
ارض بها قحطان وافين الأشبار….
ويا عز منهم بالشدايد بسيده….
واذكر عتيبة يوم للطيب مغوار….
لا ثارت الهيجا وقرب ضديده ….
وشمر هل الطولات والجود مقدار….
أهل الكرم وأهل الفعول الحميده….
وقوم أعنزه مروين الخصام الإمرار….
أولاد وايل من عصور عهيده….
ومطير قوم تكرم الضيف لا زار….
ويا ويل خصم في حراهم وعيده….
واذكر قبيلة حرب يا نعم الأخيار….
وتاريخهم يحكي سطور مجيده….
وسبيع نعم القوم وجيه الإسفار ….
زبن الدخيل ليا زبن من طريده….
واذكر قبيلة يام والطيب يندار….
أهل العلوم الوافية و الرشيده….
ثم الدواسر تجعل الخصم منهار….
عيال زايد عز منهم سنيده….
ثم السهول اللي لها الطيب مدرار….
وعن منهج العادات ماهي محيده….
ثم اذكر العجمان حماية الجار….
والمرجله والجاه فيهم عتيده….
واذكر بني مره طويلين الأعمار….
ما ينقد المري ولا له نقيده….
ثم الهواجر لابة تقدح النار ….
أهل الركاب اللي خطاها بعيده….
واذكر بني خالد قبيلة وامار ….
قوم لهم في المجد قول ورصيده….
وبني تميم اللي لها الطيب مصدار ….
وبني تميم وكل فعل تجيده….
ثم الزعوب اللي بها الخصم يحتار….
شجعان ما ترضى سوا ما تريده….
العازمي وافي وفي الطيب بيطار….
روحه على كل المصاعب صميده….
ثم الظفيري في المصاعب جبار ….
والطيب والامداح بأصله وطيده….
ثم اذكر الأشراف بجلال وإكبار….
أهل الحجاز اللي تفك الزهيده….
ثم الهذيلي له مواقف و مندار….
راعي الفخر راعي العلوم السديده….
ثم البقوم اللي لهم جيش وامهار….
ريف الضيوف ليا لفاهم وليده….
واذكر ثقيف اللي لهم مجد وآثار….
ومهما حسبنا من كلام نعيده….
وبلحارث أهل العز بشهود وإقرار….
الحارثي يا طيب فعله وجيده….
والمالكي معروف لا صار ما صار….
في موقف أهل الطيب يبذل جهيده….
واثني تحياتي عدد وبل الأمطار….
على سليم وكل خصم تكيده….
واذكر جهينه هل مواقيف وادوار….
تلقى الجهيني راسم الطيب بيده….
واذكر بلي و المجدله فعل وإظهار….
وتاريخهم يحكي فعول فريده….
وبني عطيه في المواجيب حضار….
قوم بوقت الجد قوم عنيده….
ثم الحويطي والكرامة له أشعار….
ثم الشراري له فعول مفيده….
ثم الرشيدي في الصعيبات صبار….
على علوم الطيب فعله يزيده….
وباقي جنوب الدار والقاف ما دار….
باقي على قلبي كلام وأشيده….
زهران نعم القوم في وقت الأضرار….
والخصم عينه من لقاها سهيده….
والغامدي معروف له عزم وإصرار….
راعي المراجل والعلوم المفيده….
وشمران قوم والجمايل لها أطوار….
وبلقرن سم للقلوب النكيده….
و الاكلبي و المحلفي ما بعد بار….
والحارثي طيبه وفعله يشيده….
وبني شهر وبني عمر سيف بتار….
قوم على الاخصام نار وقيده….
والاسمري والاحمري صيتهم سار….
بين القبايل والمواقف شهيده….
واذكر عسير الهول ذربين الأذكار….
وأبها احتموها فالسنين الشديده….
وادهم والصيعر على حد الأقطار….
يحمون حد الدار من اللي يريده….
وامشي مع الساحل مع جمله أفكار….
رسمتها والطير زان أتغريده….
وانزل على جيزان تاريخ وأديار….
ورجال فيفا والقبايل عديده….
وارجوا العذر وأهل المواجيب عذار….
اللي نسيته ما نذكر في القصيده….
الواهبي عدد أبيوته بالأدوار ….
من شاعر ما شل قلبه حقيده….
شهران ربعي هم هل المدح والكار….
وأهل الكند وأهل السيوف الجديده….
يوم البلد ما يأمن الزند لا ثار….
زيزومنا ابن مشيط نعم الوليده….
فالجهل شجعان وفي السلم تجار….
من بطن بيشه للتهم لا رفيده….
حبيت أبين موفقي بين شعار….
وارجوا سموحتكم على ذا النشيده….
ما حب أنافق واتعنصر تعنصار ….
ولاني باطيع أهل العقول البليده….
ما كل من طب البحر قيل بحار….
وما كل من شل الفشق جاب صيده….
فالشعر بستان به ورد وأزهار….
واللي تعداها بيوته فقيده….
وأقولها في الشعر تكرار و إمرار….
ظرف بلا عنوان يلغى بريده….
وبعض السوالف له مواقف ومحضار….
وشعر بلا معنى لزوم نبيده….
وصلوا على المرسول شفاع الأبرار….
محمد الهادي وقدوة عبيده….

صح لساااااااااااااااااااانك

دمت بتالق,,,

هلا همس

شاكر مرورك

واذكر قبيلة حرب يا نعم الأخيار….
وتاريخهم يحكي سطور مجيده….

صح لسانك والنعم بجميع القبايل

تحيـآآتي مودتي مع احترامي

صح لسااانك

دمت بخييير

بـــتـــوَََل

يسلموو

صح لسانك

قصيده روعه

احسنت الاختيار

يعطيك الف عافيه

ودي و وردي

وبني شهر وبني عمر سيف بتار….
قوم على الاخصام نار وقيده….

رووووووووووعه واختيار موفق وجميل

كلمات تستحق الثناء والاعجاب

تسلم ايديك الاديب على الطرح

هلا جنون انثى

والنعم في حرب ومجايبهم

يسلملي هيك مرور ,,,,,,,,,,,,,,,

وبدنك اخت بتـــــول

يسلملنا هيك مرور ,,,,,,,,,,,,,,,,,,,,