السلام عليكم ورحمة الله وبركاته
اعزائي .. جلبت لكم هذه القصيدة الرائعة للمبدع محمد فاضل الشمري ، واتمنى انها تعجبكم…
الفراااااااق
تصورت الفراق ولاقويت أتحمل الصـــــوره
أجل.. وشلون لو إنه يجي وشلون حــزاتــــه
صحيح إن كلمته سهله وعند الناس مقدوره
ولكن هقوتي محدٍ يحب وعــاش لحظاتــــــــه
تصورته كما موجً خذاني لغبة بحــــــــــوره
وشهقت الموت ياربي .. عظيمه حيل سكراته
تصورته كما قبرٍ يضيق ويختفي نــــــــــوره
أحس بكل من حولي وأنا أسمع كــل خطـــواته
تصورته سحابٍ فات وأرضي ترتجي مطـــوره
مضى له بالهوى ماضي وشان الوقت صكاتـه
تصورته كما البستان وغيري يقطف زهـوره
كثر ماضاع جهدي فيه وغيري نال زهراتــــه
تصورتــه كما أمٍ وهــي تــــوه انتهـــى دوره
جنينه مات من يومـين وزادت فيـــها وناتــــه
تخيلته كذا مره ..وبكت عيني كذا صــــــوره
أجل.. وشلون لوإنه يجي وشلــون لحظاتـــــه
تصورت الفراق ولاقويت أتحمل الصـــــوره
أجل.. وشلون لو إنه يجي وشلون حــزاتــــه
صحيح إن كلمته سهله وعند الناس مقدوره
ولكن هقوتي محدٍ يحب وعــاش لحظاتــــــــه
صح لسانك ولسان قايلها
كلمات قويه
وجميله
لا عدمناك ولا عدمنى جمال طرحك
تحيتي لك ,,,,,,,
| تصورته كما البستان وغيري يقطف زهـوره كثر ماضاع جهدي فيه وغيري نال زهراتــــه |
ابدااااااااااااااااع
تسلمين اختي ع الطرح الرائع
يعطيج العافيه
تحياتي
شبيه الورد منوووووور
حضورك شرفني
تحياتي
دانة الطواش الله يسلمك يا الغلا
نورتـــــــــــــــــــي
تشرفت بمرورك