قصائد أبن فطيس المري ,,

إرتاح دام ان المواصل يقويه …. انت انت وانا انا وقلبي هو وياه

حتى لو بتغيب ؟..ذكراك يكفييه …. يا واحدن تكفي عن الناس ذكـراه

حبك على رملة خفوقي مواطيه …. ورياح عذلي عنك ؟..ماتمسح خطاه

اخفيه يبي البيت والحال يبديه…. ادناة واحد ينظر لحالي ؟..يقراه

مخفيه فيه ومعتني به وعانيه …. عن كل عينـن وده تنزل حماه

قلبـن يحبـك والهـوا الذرب مـاليه …. كانك مكذبني ؟..بعينك تحلاه

شرط تشوفك فيه ومنت بحواليه …. ويمكن تشوف ديار واماكن رعاه

وتشوف به تمثال ..والوقت هـاريه …. وبتشوف زرعـن ميت وواقفـن مـاه

وبتـشوف جرحـن فيه سكـين راعـيه ….. راح ونسـى السـكين ..والجـرح ينخـاه

وبتشوف حصنـن عجـًـل اقدار سافيـه ….. وبتشوف باقي بيت ..راعـيه خـلاه

لا تنزعـج ..هذا خفـوقي وبـاقيه ….. ولا تـتضـايق من تصـدًع زوايـاه

قـد زلـزله فرقـى وهـزًت عـراويه …. ووالله سـتر والحـظ عانـى وعافـاه

وكانه صلحلك واعجبك زين تبنيه ؟ ….. إبـنه وجهـز للمقـابيل مبنـاه

ابغـيك بس من المفـارق تداريـه….. وإزهـل من يداري شـعورك ويـدراه

وحلـل وحـًـرم فيه يبرك بلاويـه …. وحلـًـه وراع رضاك ورضاي ورضاه

جعلك بعد بعـض الوجـيه ..امحـق وجـيه….. ناسـن مراتعها الرفيـق بتقـفاه

انواع ..واخطر نـوع ماني بنـاسيه …. نوع على تفـريق الاثـنين مسـعاه

تلقاه دووم وكل يوم تلاقيـه ….. وليا بغيت الصـدق ؟..ماعاد تلقـاه

ولا انت ؟..ردك كل مادعيك ؟..لبيـه …. انا اشهـد منت في عيني اشبـاه

منته مع العالم ..ولا تقولي ليـه …. انت أدرا مني وش جوابي وفحـواه !

كذيه ومن الله ويزين ويلـيه …. واغلى طرووش القلب ودووواه من دااه

الحلم ياتيني بزووولك وأراعـيه …. وفي كل حـلم اقووم قبـل أتحفـاه

وأعشـق سميـًـك فالبزارين وادعـيه …. واقبل خطاه اذا اخطا واتلقـاه

وأسمك ؟..يروعني اذا مـر طـاريه ….. وأحـب ملقـوفـن اذا سـولف وطرًاه

وأمر بيتك من بعييد وولا اجـيه ….. وانا لو في يـدي ؟..ما اتعـداه

حتى تـوايـر موتـري تلتـفت فـيه ….. تبغـي تـلـفً ..ويستحي العقـل وألجـاه

وصلك ؟..يخيط الصـدر..والبعد.؟ يفـريه ….ويا بـري حالي كان صـديت بـرياه

ويلي ولا ادري حبـنا ويـش تـاليـه ؟…… ويلي ولا ادري وش ورا الغـيب ؟..ويـلاه