سوفليه الموز سهل وسريع على "سفرة دايمة"

الطريقة:
1- اخلطي الموز مع عصير الليمون، وملعقتين من السكر، وصفار البيض في الخلاط أو بالمضرب الكهربائي كويس أوي لحد ما المكونات تندمج ويبقى الخليط ناعم.

2- في وعاء استانلس اضربي بياض البيض مع الملح بالمضرب الكهربائي لحد ما حجمه يزيد ويبقى عامل زي الكريمة، وبعدين ضيفي ملعقة سكر، واضربيه مرة كمان لحد ما يبقى الخليط متماسك وناعم.

3- بعد كده خدي ربع كمية خليط البياض وضيفيه مع خليط الموز وقلّبيهم بهدوء لحد ما يمتزجوا كويس، وبعدين ضيفي باقي الكمية وقلبيهم.

4- حضّري القوالب اللي هتحطّي فيها السوفليه؛ ادهنيها زبدة، ورشّي فيها سكر في القاع ومن الجوانب، وبعدين صبّي السوفليه في كل قالب، ورصّيهم في صينية فرن.