سكة الذكري الحزينه ()

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه

قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس هـ..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقـدت الحلم في لمسة يديـنه؟!

مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!