عهـدي بهـا قــدام تلـبـس عبـايـه
وانا بعـد قبـل البـس شمـاغ وعقـال
طفليـن نتهجـى حــروف الكتـابـه
الله يامجـمـل سوالـيـف الاطـفــال
كانـت لنـا فـي كـل شـارع حكايـه
وكنـا نقـول علـوم ماهيـب تنـقـال
وكنـت اتقـاسـم مامعـاهـا معـايـه
من ( أيسكريم ) التوت ل(العلك) بو ريال
وكانـت بعكسـي شاطـره بالقـرايـه
تقـرأ جـزء عـم وطــه والأنـفـال
وانـا لـك الله مـن مـواري غبـايـه
مدري ابو نقطـه هـو الـذال او الـدال
وكانـت لابويـه تشتكـي مـن شقايـه
وتعلمـه كيـف اربـط البـاب بحبـال
ياما على ظهـري كسـر مـن عصايـه
يقول لي : خلـك وانـا ابـوك رجـال
وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال
لا شفتهـا مـع اول الــدرب جـايـه
مدري انا اللي ملـت والا الوطـا مـال
أحـس قلبـي يرتجـف فـي حشـايـه
ماكنـه الا الضيـف لا هـز فنـجـال
ياما عـن ( البعبع ) تخبـت ورايـه
لا خوفوهـا فيـه ثـم شافـت ظــلال
تقـول خـلـك يــا(…….) معـايـه
واستانس العـب عندهـا دور الابطـال
واغـار حتـى مـن عيـون اصدقايـه
لاطالعوها قلـت تكفـووووون ياعيـال
الله مااجملها ذكريات الطفوله
هههههههههههه
تذكرت مواقفي الطريفه
لكن فرقتنا الايام واللي سافر واللي مات
الله يرحمنا برحمته
صح السانك طير النهر
تحيتي
الله واكبر مااجمل هذه الكلمات بالفعل كلام
صحيح كنا كذا ونكتب على الجدران والله
انك ذكرتني بهذيك الايام عسى الله القاهم
احباب واصحاب واخوان الله على الدنيا
فرقتنا والليالي والايام اطلب من الله يجمعنا
فيهم بالدنيا اوبجنات عدن ونتذاكرتلك الايام
اخوي طير موضوع جميل بالفعل وتقبل مروري
ودمت بخير
ههههههههه
بالفعل ذكريات حلووووه
وجميله
وبصراحه مارت علي حاجات كثيره وحاجات مازلت اعيشها لليوم
ههههههه والله القصيده روووووعه
بروعة كاتبها
لا عدمناك
اخوي طير النهر
تحيتي لك ,,,,,,
ياما على ظهـري كسـر مـن عصايـه
يقول لي : خلـك وانـا ابـوك رجـال
وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال
لا شفتهـا مـع اول الــدرب جـايـه
مدري انا اللي ملـت والا الوطـا مـال
ههههههههه
صح لسانك
دمت بخير
اقسم بالله انها حركت كل شجوني
وانها على وتر حساس جدا
الله يعطيك العافيه
صح السانك