حامد زيد

على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي
لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي
صدفتك معجبه فيني وياليت..الغرام : اعجـاب
وتراك انتي الهنوف اللـي هقيتـك تستحقينـي
عطيتك عشق من قلبي..وسلمت لغـلاك رقـاب
وغيـرك يحتـرق قلبـه ولا يقـدر يحاكينـي
أنا قبلك صدفت عيون لكن ويش جاب لجـاب؟
ترى كل العيـون اللـي لقتنـي مـا تكفينـي
رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي
تعالي واعتقي ذاك الخفوق المولـع المرتـاب
مهب لاجلي ، عشان الله يجازيـك ويجازينـي
تعدي في سما عشقي ولو عشقي خراب أصحاب
وصوني بالهوى نفسك قبل لا انتـي تصونينـي
وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي
ولا منك هقيتيني شجـاع ومـا يطيـق يهـاب
أنا لك بالهوى والله مثل مـا انتـي هقيتينـي
أنا ما أمشي ورا غيرك ولو أنه يطـق البـاب
وترى عيبٍ عليّ أطعن..ولو كثـرت سكاكينـي
زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي
غيورٍ ماعرفت أضحك مع الغدر ببّرود أعصـاب
أبيـع عيونـي الثنتيـن قبـل أنـك تخونينـي
إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي
أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي
سؤالك لو يزعزع بي كياني مـا قبلـت عتـاب
اجي لك وأسالك نفس السؤال اللـي سألتينـي
عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي
أبي عشق تحسب له كل نظرات العيون حساب
وابي قلبٍ علي قلبي ، وابى دينٍ علـى دينـي
وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي
وابي دربٍ على العذال صعبٍ ومتعـبٍ وغـلاب
وابي نفس الطريق الصعب يبعدهـم ويدنينـي
ترى لو للقلوب عيون ولدموع العيـون أهـداب
حشى ما تنزل الدمعـه لغيـرك لـو تركتينـي
أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي
ما دام أني لقيتك في طريق أسمه غرام أحبـاب
دخيـل الله ، وبعـد الله دخيلـك .. لا تخلينـي
ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي

من اختياراتي
وسلامتكم

[a7la1=#000099]صح السانك اخوي

تحيتي[/a7la1]

شجاع وعارفٍ نفسـي وأظـن أنـك تعرفينـي
غيورٍ ماعرفت أضحك مع الغدر ببّرود أعصـاب
أبيـع عيونـي الثنتيـن قبـل أنـك تخونينـي
إذا شد الغرام .. اترك خفوقي : بين ناب وناب

صح لسانك ولسان القايل

كلمات رائعه

دمت بخير

صح لسانك اخوي

ولسان قايلها

حامد زيد شاعر معروف

وله جمهوره

والقصيده جميله بصوت حامد

لا عدمناك

اخوي

يعطيك العافيه

تحيتي لك ,,,,,,,,,,

[a7la1=#000000]ذووووووووووووووووووووووووووووووووووووووق

يسلموو اخوووي بدر الليل

صح لساانك

و

فااااااااالكـ المليوووووووووووون <<<شاعر المليون [/a7la1]

تسلم اخوي بدر على الذوق الحلو

بدر الليل…

اختيار موفق بل انه قمة بالروعة

صح لسانك ولسان قايلها

بصراحة اعدت قراءتها عدة مرات وفي كل مرة اجد لها معاني متعددة

شكرا لاختيارك الجميل

دمت بكل ود

مهرة الشمال
الثريا
عين الظبي
شبيه الورد
حبيبكم
طير النهر
هيبة ملكه

اشكر مروركم الكريم

واسعدني استمتاعكم بما نقلت لكم

تشرفت بمعانقة تعليقاتكم وردودكم

تحيتي وتقديري..