المراجل ماهي بلبس الهدوم

هذي القصيده بالامير فهد ابن عبيد ابن ثنيان
يوم لفانا عند الشيخ فرحان محمد الربيع
قصيده ترحيبيه
.وانشالله تنال أعجابكم

ابتدي بالقاف في رب رحوم=
=عالم(ن) بالغيب منشي لرعد
بعد ذكره قام فكري بي يحوم=
=أنظم الابيات من جوف(ن) ركد
امدح رجال الاوازم والسلوم=
=طيبين الساس خبر من نشد
الكرم والطيب من طبع القروم =
= وانت يبن عبيد من نسل الآسد
سمعتك تاصل على طيب العلوم=
=اشهد أنك ذيب والآسم الافهد
مرحبابك عند رجال الازوم=
= ابو منيف اللي بطيبه هو حصد
كاسب الطولات ما رافق رخوم=
=له فعول(ن) ماضيه ماله عدد
والمراجل ماهي بلبس الهدوم=
=الله الشاهد وكل (ن) به شهد
والجميع اهلن وسهلا دون لوم=
=مرحبا مليون بوجيه السعد
وأخر الآبيات صلو يالعموم=
= علي نبي الله بدينه اتحد

اقتباس:

المشاركة الأصلية كتبت بواسطة امل عليه الصلاة والسلام صح لسانك وربي يسلمك علي الكلمات الحلوه تقبل تحياتي ومروري

امل
لاهنتي
وصح بدنك ياوخيتي انتي
تحياتي لك

قصيدة بمنتهى الجمال والرووعة

دمت ودام عطاؤك

تحياتي