الغائب الحاضر

عدنا والعود احمدٌ

السلاااام عليكم ورحمة الله وبركاته

يالغائب الحاضر تعبت أجاهد الصبر الجميل
من غبت والشواق تحداني لميصالك حدي

صحيح غائب بس تبقى في معاليقي نزيل
ومعاضني نجم الثريا عنك يا نجم الجدي

يا ويش احط من الهجوس المرهقات وويش اشيل
الظاهر اني بينهن ضيعت وقتي وجهدي

يمر طيفك للعيون الساهره عابر سبيل
وأصير أنا ما بين شوق وليل ماهو بجودي

مغير اقلب في بقايا ذكرياتك والحصيل
يهيج شوقي من غلاك ويلطم الجرح الندي

يا كيف كان ولو يمكن ليت ما تشفي غليل
ما غير ارددها من اللهفه وليلي سرمدي

تعبت اسير لك بنات الريح والمسرى طويل
وخيل المواصل ملت المضمار واتعبها العدي

يا اعذب ينابيع الغلا الصافي وطعم السلسبيل
يا مجبر افكاري على الابداع في حرف ابجدي

يا اطهر دخيل(ن) لاذ في وجه الغلا يا اغلى دخيل
يالي وصالك لمحل الخفاق وسمي وبردي

يممتلك وانت الزروع الخضر والغرس الضليل
اضيع في تيه الهوى لاكن لوصلك مهتدي

وكان الخميله ما لقينا في طوارفها مقيل
يا عونت الله من سموم القيض يا وين اغدي

ان كنت مقفي ما ابي اعرف وش اسباب الرحيل
ابيك توعدني وانا لا اوعدت اوفي بوعدي

ابيك تذكرني اليا هبت نسانيس الاصيل
وانا علي اجمع بقايا كل صبري وجلدي

لا عاد احن ولا تحن ولا اميل ولا تميل
أببتعد وارمي عنى صدك على الحظ الردي

وسلااامة قلب من تابع ولاهان ناظره

المعانـــن25ـــد

وعليكم السلام ورحمة الله وبركاته

مودتي

اقتباس:

المشاركة الأصلية كتبت بواسطة ~ { خجــوِلًـة إْلمبـســم } ~ وعليكم السلام ورحمة الله وبركاته هلا وغلا معااندك .. عاش من شافك ومنور النهر بطلتك ^ ان كنت مقفي ما ابي اعرف وش اسباب الرحيل ابيك توعدني وانا لا اوعدت اوفي بوعدي ابيك تذكرني اليا هبت نسانيس الاصيل وانا علي اجمع بقايا كل صبري وجلدي لا عاد احن ولا تحن ولا اميل ولا تميل أببتعد وارمي عنى صدك على الحظ الردي ^ حروف مميزة كما اعتدناا منك تسسلم الاياادي ولاهنت ع النقل مودتي

عاشت ايامك خجوله
لاهنتي على المتابعه يعطيك الف الف الف عافيه يارب

رووووعة أبيااااتك معااااند

تسلم ايدينك اخوي معاند على القصيدة الرائعة

على راسي والله لاهنتوا على المتابعه

رووووووووعه وصح لسانك اخو كلمات راقيه جدا

يعطيك العافيه وتسلم ايديك والله

دمت بود

الله يعافيك اختي انثى لاهنتي
ويسلم قلبك اختي جزيره لاهنتي على راسي والله