النفس لاجرحت يبين زعلها
الشعر زعلته وجت لك معانيه
وان طافتك هذي تحرى بدلها
لوجيت ادور لك عذر وين الاقيه
تجاهلك حتى اعذاري قتلها
انا اعرفك لو ينشري الطيب تشريه
لكن حسافه ليت غيرك فعلها
ان كان في نفسك كلام مخفيه
الكلمه اللي تحرج النفس قلها
مهوب انا اللي خمس كلمات ترضيه
الناس يافلان تقاس بعملها
بعض الاوادم ضحكه الزيف تغريه
لين يتجرع سمها في عسلها
واللي عن الواجب طواريه تعميه
تمر…ميلات الخطا ماعدلها
واللي عيونه تنخدع في مباريه
لو كلمته عوجا عشانه قبلها
واللي نسى يعرف عدوه ومغليه
نفسه تساوت علمها مع جهلها
هذاك ياكود القصايد توعيه
حتى يعرف ان المشاعر خذلها
من صد ..عني عمد ولله مارجيه
لو حاجتي عنده حشا …لااعتزلها
انا من اللي عزه [النفس تغنيه
ماذل نفسي للحياه وغزلها
وانا من اللي حاضره مثل ماضيه
لااكبرت القاله تعود لااهلها
كللن تحثه للمعالي هقاويه
بس الثقيله مالها الا جملها
الصاحب الطيب على الروح ابديه
والا الثعاله تنكشف من حيلها
من ترده الشرهه تجيه المشاريه
النفس لااجرحت يبين زعلها
يعطيك العـافيـة
صح لسانك وعلى شأنك
يسسلمؤؤ قصيده في قمة الروعه
في أنتظار جديدك يالغلا
ماننحرم منك ولامن جديدك الرائع
موفقه بإذن الله
تحيتي
صح لسانك ويعطيييييك الف عافيييييه
النفس لجرحت بين زعلها
يسلمو على الابيات الحلوه