قصيدة الحلم لحامد زيد من اروع القصايد
فحبيت انها تكون اول مشاركة بها القسم
الحلم
من اول مارجعت من السفر ماشفتلك بينه..
وانا الي كنت احسبك قبل ادوس ارض المطار تجين..
تكوننين انتي اول شخص عيني تحتضن عينه..
وكنت اتخيلك من زود فرحة رجعتي تبكين..
واشوف بدمعتك حكيك..واعرفه قبل تحكينه..
واجيب احلى من اللي بتحكينه..واتركك تحكين..
تقولين الوطن نور..واقول بنور مضوينه..
تقوليلي غديت احلى..واقول عيونك الحلوين..
كلام نام بشفاهك..وخفتي لاتصحينه..
ذخرتيه لغرام اللي ينام..ويتركك تصحين..
تغانمتي غيابي لين رجحتي موازينه..
تعلم من يدك لمس الكفوف..وعلمك تجفين..
وليتك لاقية به شيء..فيني ماتلاقينه..
مهوب غرور..لكن خابرك مالك امل تلقين..
تغافلتي بغلا..ولا الحلا ماهوب من زينه..
تزينه الصور..بس الصحيح ابن الحلال زوين..
وانا مانيب ناقص عنه..يوم انك تبدينه..
نصيبي هو نصيبي..لو يسددها من الصوبين..
قنوع بمظهري..والسم مايذبح ثعابينه..
على قول المثل..ماني حلو لكن ماني شين..
اذا اهداك الزهر مره..فانا اهديتك بساتينه..
واذا الهاك بفرح ليله..فانا تهت لبكاك سنين..
واذا استضعفتك املاكه..وشتتك ملاينه..
انا حتى فتات الخبزه اقسمها معك نصين..
طموحي بس اجي واظفر بشيء تستحقينه..
تدينته..تسلفته..سرقته..مو مهم منين..
كأني من كثر مارضا بكل اللي تمنينه..
لو انك تطلبين الله يعنيني..بقول آمين..
انا مالعب على الحبلين وقت الطيش وسنينه..
تبين الحين يوم اني كبرت..العب على الحبلين..
ترا عند البدو بالذات..عيب اللي تسوينه..
حلاتك لاعشقتيني..تعشقيني ليوم الدين..
غرام نسكن ضلوعه..حشيمه من مجانينه..
جفا يجمع معزتنا..ولاعشقً يذل اثنين..
كثار اللي تحدوني..وقالوا لي تحبينه..
امانه لاتخليني..صغير في عينهم تكفين..
لأني كل ماقالوا تخون..اقول مسكينه..
عليك الله وامانه..علميهم من هو المسكين..
انا خايف ليا طاح الجمل تكثر سكاكينه..
وانا ماعادت ضلوعي تحمل طعنةالسكين..
مثل ماقالوا المكتوب..واضح من عناوينه..
لو ارحل منك للغربه..بسافر من ظلامك وين..
كفايه كل حلم يمر في رقادي تزورينه..
كفايه من تفارقنا..وانا ماغمضتلي عين..
قبل يومين..شفتك في المنام..وقمت من حينه..
ونمت امس..ورجع نفس المنام اللي قبل يومين..
………………………………………….. …………………………………
تسلم ايديك على الطرح وصح لسان كاتبها
يعطيك العافيه سوسو
دمتي بود
سيدتي ســـارهـ
يعطيكي الف عافيه على هذة المشاركه المميزة التي
تدل على ذوقك الراقي يما تختاري لكي تمتعينا فكرياً
با تحمله تلك القصيده الرائعه لشاعر حامد زيد, وننتظر
المزيد.
دمتي سيدتي
ودام ذوقك الراقي
جزيرة
فديتك
وفديت مرورك
الاكثر من رائع
الهاااااااااااااااااااااااااااوي
تسلم يالغلا
ومرورك الراقي
يسلموو
الجواد
حيااااااااااااااااااك